A casa d'a ciudat de Sydney (en anglés Sydney Town Hall) ye un edificio de zaguerías d'o sieglo XIX situau en a ciudat de Sydney, a capital de Nueva Galas d'o Sud, Australia, estando a seu d'o Centennial Hall y d'as oficinas de l'alcalde de Sydney y d'os concellers, asinas como puesto ta atras celebracions y reunions. Se troba situau en George Street, en o districto d'afers central de Sydney chusto debant d'o Queen Victoria Building y chunto a la Seu de Sant Andreu. Sobre a la gara de Town Hall y entre as zonas comercials y d'ocio d'a ciudat, as escaleras d'a casa d'a ciudat son un popular puesto de trobada.
A casa d'a ciudat ye listada en o Rechistro Nacional d'Edificios y o Rechistro Estatal de Patrimonio de Nueva Galas d'o Sud y fa parti d'o important conchunto patrimonial d'a casa d'a ciudat que incluye tamién o Queen Victoria Building, a Seu de Sant Andreu, l'hotel Gresham y l'antigo Banco de Nueva Galas d'o Sud.
Historia A casa d'a ciudat se construyió en os anyos 1880 (en o puesto d'un antigo fosal) con piedra panal de Sydney en o grandioso estilo d'o Segundo Imperio victoriano, y s'ha descrito como "un edificio ricament ornamentau con una torre focal y teitos extravagants." A Pictorial Guide to Identifying Australian Architecture, Apperley (Angus and Robertson) 1994, p.68 Ye l'unico edificio no relichioso d'a ciudat que mantiene a suya función y interior orichinal. O Centennial Hall (sala prencipal) contiene o Gran Organo d'a casa d'a ciudat de Sydney, l'organo de tubos con acción tubular-neumatica mas gran d'o mundo, construyiu entre 1886 y 1889 y instalau en 1890 por a empresa anglesa William Hill & Son. Iste organo poseye un d'os nomás dos rechistros de 64′ d'o mundo. Antis d'a devantadera d'a Opera de Sydney y a suya sala de conciertos, a casa d'a ciudat yera a millor sala de conciertos de Sydney y se i feban muitas actuacions.
En os zaguers anyos, s'ha descubierto que a casa d'a ciudat se troba sobre parti d'un antigo fosal. En 2008 y 2009 s'esvielló parcialment, mas que mas ta amillorar os sistemas mecanicos, hidraulicos, electricos y de comunicacions de l'edificio. A renovación Renovación d'a casa d'a ciudat, feita por a constructora de Sydney Kell & Rigby, incluyó a retirada de 6000 metros cubicos de piedra panal baixo l'edificio. City of Sydney , Old Sydney Burial Ground - City of Sydney, Febrero de 2008.
Referencias
Vinclos externos Pachina oficial
Sydney Categoría:Molimentos de Sydney