Iste articlo ye sobre un politico estausunidene president d'Estaus Unius; ta atros usos, se veiga Andrew Jackson (desambigación).
Andrew Jackson, naixiu de Maxhaw (Carolina d'o Norte) l'11 de marzo de 1767 y muerto en Nashville (Tennessee, Estaus Unius) o 8 de chunio de 1845, estió un avogau y politico estausunidense, 7eno President d'os Estaus Unius dende o 4 de marzo de 1829 dica o 4 de marzo de 1837.
Estió o fundador d'o Partiu Democrata d'os Estaus Unius, tenió un papel destacau en a Guerra anglo-estadounidense de 1812 y tubo continos enfrontinamientos contra os nativos americans pa apropiar-se d'as suyas tierras, promovió a Indian Removal Act, una lei en a cual se aprebó la expulsión y treslado forzoso d'os indios a reservas y atros territorios federals y que legalizaba una ideya ya plantiada y empecipiada a practicar per Thomas Jefferson dende 1776 d'antis d'o suyo mandato como president.Miller, Robert. Native America, Discovered and Conquered: Thomas Jefferson, Lewis & Clark, and Manifest Destiny. Bison Books, 2008.ISBN 978-0803215986 Cal destacar la Primera Guerra Seminola que remató con a incorpooración d'a Florida de Nueva Espanya a os Estaus Unius y a Guerra Creek contra os Indios Creek que remató con estes desplazaus d'os suyos territorio de Cheorchia y gran parte d'Alabama a Oklahoma y Florida. Tamién estió o responsable d'a Invasión de Florida en a suya persecución contra os Creeks y Seminola que interrumpió las negociacions d'a venta de Florida per parte d'Espanya a os Estaus Unius y que propició posteriorment un intercambio de territorios en o Tratau d'Adams-Onís.
Referencias
Vinclos externos
Categoría:Naixius de Carolina d'o Norte Categoría:Avogaus d'Estaus Unius Categoría:Presidents d'Estaus Unius Categoría:1767 (naixencias) Categoría:1845 (muertes)