thumb|right|300px|Detalle d'as follas y fruitos (niespolas) d'una niespolera d'a especie Eriobotrya japonica. NiespoleraCon as variants niaspolera, niezpolera, nispolera, nizpolera, miespolera y miezpolera., tamién con as formas masculinas niespoleroCon as variants niaspolero y niezpolero, miespolero, miezpolero, mispolero y mizpolero., ye un nombre común pa diferents especies d'árbols fruitals, miembros d'a extensa familia botanica Rosaceae, que tienen como caracteristicas en común tener follas grans, duras y cubiertas de pilosidaz, de color verde intensa, con os niervos muit marcaus, y uns fruitos comestibles caracteristicos, con forma de pera, dulces, amariellos u anaranchaus de color, con ruello u pepas en l'interior, que se diz niespolas.
A la practica, en Europa a especie que se conoixeba tradicionalment como niespolera ye Mespilus germanica, a niespolera europea, porque ye a especie autoctona d'iste continent. Manimenos, a importación d'eixemplars d'Eriobotrya japonica en os sieglos XVI, XVII y XVIII, que ye una especie muit amanada y que s'ha adaptau bien en as nuestras latituz, anque ye natural d'Extremo Orient, ha feito que en l'actualidat a mayoría d'árbols que se puet identificar con o nombre de niespoleras faigan parte, en realidat, d'ixa atra especie forana.
Tanto M. germanica como E. japonica son miembros d'a tribu Maleae, subfamilia Amygdaloideae en a familia d'as rosacias. Manimenos, no se be d'inferir que todas as Maleae puedan recibir o nombre de niespoleras, ya que os rasgos que fan que un árbol reciba iste nombre popular no son caracters definitorios d'ixe taxón botanico.
Imáchens
Se veiga tamién Garimbasta Codonyera. Alberchera. Presiquera. Manzanera. Perera.
Notas
Referencias
Categoría:Árbols fruiters Categoría:Fitonimia Categoría:Amygdaloideae