Os Monegros u osmonegros.com ye una iniciativa cultural independient y sin animo de lucro d'a comarca d'os Monegros, iniciada y mantenida por Joaquín Ruiz Gaspar. Lo prochecto escomenzó en 2006 y se centra en una pachina web en formato blog aon que se puede trobar buena cosa d'articlos sobre este territorio. En a web podemos trobar diferents apartaus, como los que tractan sobre l'aragonés, o medio ambient, la memoria, cultura, patrimonio... Tamién s'organizan charradas, chornadas y exposicions. A suya imachen ye una salamanquesa.
Entre atras muitas cosas, cal destacar a sección sobre l'aragonés , la caixa d'as parolas , una replega de parolas en luenga aragonesa feita por tot la redolada, Rostros un conchunto de biografías de mullers monegrinas, y as historias d'o bandolero Cucaracha.
Historia y evolución
osmonegros.com prencipió como un blog o 31 de marzo de 2006, a partir de bels articlos sobre l'aragonés publicaus en a revista Quio de Sariñena y Los Monegros. O blog se centraba en as historietas d'Antolín, en l'aragonés que se charraba en os Monegros que s'ha replegau en diferents traballos, especialment en o Bocabulario Monegrino. L'obchectivo d'o prochecto yera dar a conoixer o patrimonio lingüisico monegrino, creando una sensibilidat y dignificación d'a luenga d'os antipasaus.
Dende alavez o blog ha continau publicando escritos variaus con presencia de l'aragonés d'a zona y ha creixiu ixamplando os suyos contenius con temas relativos a las tradicions, patrimonio, etnografía y cultura d'os Monegros.
Vinclos externos Pachina web Os Monegros
Categoría:Pachinas web