Bentayuelo yera un lugar medieval situau en o municipio de Yebra de Basa.
Encara bi ha una borda en ruinas. Os suyos terrenos yeran cautivaus por os habitants de l'amanada localidat de Sobás.
Toponimia Podía derivar de venta, con o significau d'"hospedería" y sufixo diminutivo -elo. Geografía medieval de Serrablo. José Miguel Navarro López. Colección «A Lazena de yaya», 15. Tamién se rechistran as formas Bendalluelo y Bendayuelo.
Historia Apareixe por primera vegada en 1065 en o Cartulario de Sant Chuan d'o Penya, a on se nombra a Galindo Garcianes de "Ventaiuelo". En 1179, a ilesia, villa, primicias y oblacions de Bentayuelo feban parti d'os biens d'o monesterio de Sant Chuan d'a Penya que fuoron confirmaus por a bula "Iustis petentium" d'o papa Aleixandre III.
Seguntes os estatutos de l'abat Ferrando de Rada a suya ilesia perteneixeba a l'abadiato de Sant Chuan d'a Penya en 1210. Bels anyos dimpués, en 1246, a ilesia y dreitos de Bentaiuelo yeran propiedat d'o clavero d'o monesterio pinatense. Atra vegada o 26 de marzo de 1391, apareixe a pardina de Bentayuelo como propiedat d'iste mesmo oficio. Por categorizar-se ya como pardina por ixas envueltas podemos suponer que heba prencipiau o declive d'a suya población en o sieglo XIV.
Referencias
Categoría:Despoblaus medievals d'a provincia de Uesca Categoría:Lugars desapareixius de Yebra de Basa