Antonio de Capmany de Montpalau y Surís, naixiu de Barcelona (Catalunya) o 24 de noviembre de 1742 y muerto en Cádiz (Andalucía) o 14 de noviembre de 1813, estió un historiador, militar, economista, filologo, filosofo y politico catalán.
Feba parte d'una familia d'a nobleza orichinaria d'a ciudat de Chirona y que destacaba por a suya presencia en as institucions publicas locals de Chirona (su avuelo) y de Barcelona (su pai). Fació os suyos estudios en a ciudat de Barcelona ta dimpués dentrat como cadet en o Exercito espanyol, en primeras en o Rechimiento de Dragons de Merida, una unidat de caballería, ta pasar dimpués enta lo Rechimiento de tropas licheras de Catalunya. Como militar, partecipó en 1762 en a invasión de Portugal en o marco d'a Guerra hispano-portuguesa de 1761-1763. Tanimientres, en 1762 solició una licencia ta tornar a la vida civil, adedicando-se dende alavez a los estudios, mas que mas en o campo d'a Historia.
Tamién prenió parte en actividaz de tipo politico y social. Asinas, colaboró en o prochecto de Pablo de Olavide que pretendeba repoblar Sierra Morena con familias procedents de Centroeuropa y que en zagueras se realizó nomás que muit parcialment, y se convertió en defensor d'os gremios frent a la postura de Gaspar Melchor de Jovellanos y Pedro Rodríguez de Campomanes, que pensabar que caleba suprimir-los. Mientres o Gubierno d'o favorito Manuel de Godoy no prenió parte en a vida politica y prenió posturas conservadoras frent a las nuevas ideas d'a Revolución francesa.
En 1776 dentró como miembro en a Real Academia d'a Historia, convertindo-se en 1790 en o suyo secretario perpetuo; y en 1782 dentró como miembro en l'Academia de Buenas Letras de Barcelona. En 1808, cuan o Exercito francés de Napoleón Bonaparte invadió Espanya y prencipió a Guerra d'o Francés, Antonio de Capmany incitava a los espanyols a una luita a muerte contra l'invasor francés, a qui consideraba como la representación de l'anti-Espanya.
Partecipó como deputau en as Corz de Cádiz en representación de Catalunya, adscribindo-se a lo sector moderau d'os liberals, fendo parte d'a Comisión encargada d'elaborar una nueva constitución, que dimpués estió a Constitución de Cádiz.
Morió a consecuencia d'una epidemia o 14 de noviembre de 1813 en Cádiz. As suyas despullas se trasladoron enta Barcelona en 1877, enta lo fosal de Poblenou, y desapareixioron en os succesos revolucionarios de 1936 en prencipiar a Guerra civil espanyola, cuan s'incendió.
Obra thumb|Antonio de Capmany de Montpalau y Surís, obra de l'escultor Frederic Marés. 1776: Filosofía de la elocuencia (disponible en o rete). 1776: Discursos analíticos sobre la formación y perfección de las lenguas. 1778: Discurso económico-político en defensa de los menestrales. 1779- 1792: Memorias históricas sobre la marina, comercio y artes de la antigua ciudad de Barcelona (disponible en o rete). 1783: Código de las costumbres marítimas de Barcelona ( disponible en o rete). 1786: Teatro historico-critico de la eloquencia española (disponibles en o rete o tomo IV y o tomo V). 1786: Antiguos tratados de paces y alianzas entre algunos reyes de Aragon y diferentes principes infieles de Asia y Africa, desde el siglo XIII hasta el XV, (disponible en o rete). 1787: Ordenanzas de las armadas navales de la Corona de Aragón, (disponible en o rete). 1791: Apéndice a las costumbres marítimas del libro del consulado (disponible en o rete). 1805: Nuevo diccionario francés-español (disponible en o rete). 1807: Cuestiones criticas sobre varios puntos de história: económica, política, y militar (disponible en o rete). 1808: Centinela contra franceses (dispoble en o rete). 1821: Práctica y estilo de celebrar cortes en el Reino de Aragón, Principado de Cataluña y Reino de Valencia y una noticia de las de Castilla y Navarra (disponible en o rete; obra postuma). 1841: Tesoro de los prosadores españoles: desde la formación del romance castellano hasta fines del siglo XVIII (disponible en o rete; obra postuma). 1852: Observaciones críticas sobre la excelencia de la lengua castellana (disponible en o rete; obra postuma). 1855: Colección de cortes de los antiguos Reinos de España (disponible en o rete; obra postuma). 1862: Museo histórico que comprende los principales sucesos de España y el extranjero, como asi mismo toda la parte artistica y monumental de los principales paises (Tomo II) (disponible en o rete; obra postuma).
Enlaces externos
Categoría:1742 (naixencias) Categoría:1813 (muertes) Categoría:Economistas de Catalunya Categoría:Filologos de Catalunya Categoría:Filosofos de Catalunya Categoría:Historiadors de Catalunya Categoría:Militars de Catalunya Categoría:Muertos en Cádiz Categoría:Naixius de Barcelona Categoría:Politicos de Catalunya