María José Hernández (Zaragoza, 1966) ye una cantautora aragonesa.
Trachectoria artistica Cuan encara no yera que una adolescent sosprendió a publico y critica en o II Encuentro Nacional de Canción de Autor celebrau en Chaén, Andalucía, a on obtenió o 2ª premio, lo que la levó a prencipiar a suya carrera profesional.
En 1997 publica, ya de forma independient, o suyo primer disco La línea del cielo, en 2001 quita El mar del deseo y en 2006 edita Círculos concéntricos. A suya producción artistica continará en 2011 con Señales de humo,
En l'anyo 2014 edita Las uvas dulces. Mª José Hernandez canta a José A. Labordeta, un treballo en o que ofreixe a suya visón personal de belunas d'as cancions menos conoixidas d'o poeta y cantautor aragonés. O suyo zaguer treballo Cartas sobre la mesa, fue editau en 2018.
Ha feito a-saber-las colaboracions con atros artistas, entre os que destaca a suya participación como artista invitada en os conciertos d'a chira espanyola de Pablo Milanés en 2007 y haber compartiu escenario con artistas internacionals como Noa, Jorge Drexler, Javier Ruibal, José Antonio Labordeta, Gilberto Gil y Jane Birkin en os festivals mas importants d'Aragón y Espanya. Ha feito tamién conciertos en atros países como Francia, Belchica, Suiza, Anglaterra, Italia, Tunicia, Chapón y Marruecos, amás de bellas chiras por o continent americano, recorrendo tres vegadas gran parti de Mexico y o sud d'Estaus Unius, a on ha compartiu escenario con artistas como Alejandro Santiago y o dúo Mexicanto.
Estió en l'anyo 2000 a primera artista espanyola en fer parti d'o prochecto Artistas en Rota, actuando en Liverpool y fendo una chira arredol de toda Espanya chunto a nueu musicos d'o prestichioso Liverpool Institute for Performing Arts (LIPA), escuela de musica fundada por Paul McCartney en a suya ciudat natal.
Ye creyadora, chunto a os musicos Luis Delgado y Joaquin Pardinilla, d'o prochecto Vivere Memento, Música antigua a la luz de nuestro tiempo a on se revisan repertorios de musica antiga y cancions tradicionals.
Ha ganau cuatre galardons en os Premios d'a Musica Aragonesa, incluyindo o premio a la millor canción en luenga autoctona aragonesa por a suya canción en aragonés Pregaria, incluyida tamién en a primera edición o recopilatorio de cancions en luenga aragonesa O Zaguer Chilo. Ya heba cantau anteriorment en ista luenga con a suya canción Augua que morta la set, que feba parti d'o disco recopilatorio en aragonés Á ixena 2.
Tamién a recibiu o premio Artes&Letras atorgau por o Heraldo de Aragón en reconoiximiento a la suya trachectoria musical.
Discografía Discos propios Discografía completa de María José Hernández - Revista digital Cancioneros.com La línea del cielo (1997). El mar del deseo (2001). Círculos concéntricos (2006). Señales de humo (2011). Las uvas dulces (2014) Cartas sobre la mesa (2017).
Atros prochectos Los amantes de Teruel (2003). Disco-libro con versions de cantautors clasicos. Mudéjar (2004). Musica pa o espectaclo de danza d'a companyía de Miguel Ángel Berna. Música antigua a la luz de nuestro tiempo (2014). En formato trío como Vivere Memento, chunto a os musicos Joaquín Pardinilla y Luis Delgado.
Colaboracions discograficas La baraja (1996). Cornamusa. Paisajes (1997. José Antonio Labordeta. Noche infinita (1997). Javier Bergia. 25 años (2000). Javier Bergia. Con la voz a cuestas (2001). José Antonio Labordeta, tema a dúo Adamar. A tapar la calle (2002). Titiriteros de Binéfar. Caracola (2009). Javier Bergia. Punto y aparte (2013). Javier Bergia. Manual de de instrucciones (2014). Fran Espinosa. La estación de las violetas (2022). La Ronda de Boltaña.
Discos colectivos Ha colaborau con cancions suyas en as siguiens obras colectivas: Orillas (1998). Poemas de cuantas poetisas latinoamericanas con musica de Gabriel Sopeña. Cantautores de aquí y ahora (2000). Una ciudad para la paz (2000). Poemas musicaus de Rafael Alberti, Rey del Corral, García Lorca, etc, con musica de Gabriel Sopeña. Canciones de cuna (2001). Planeta Aragón 2 (2002). Las músicas de Aragón (2003). Música de mujer (2006). Á ixena 2 (2007). Compartiendo (2013). Aragón sigue, Labordeta vive (2015). O Zaguer Chilo (2017).
Referencias
Enlaces externos Web oficial de María José Hernández
*