Senegüé ye un lugar d'a provincia de Uesca situato en o municipio de Samianigo en a comarca de l'Alto Galligo. Ye mán de Sorripas, con a cual formaba tradicionalment municipio. Ye o mas gran d'os nuclios rurals dependients d'o concello de Samianigo.
Toponimia En bel texto medievals se puet leyer Senebue, como en a "Colección de documentos en romanz d'o Monesterio de Sant Chuan d'a Penya"Ana Isabel Lapeña Paúl Documentos en romance del monasterio de San Juan de la Peña (segunda serie, 1325-1399) ISSN 0214-7602, Nº 11, 1999 , págs. 295-342 :
En o fogache de 1405 ordenau en as Corz de Maella s'escribe Senebuey:
Cheografía Se troba enclavato en o mesmo puesto a on yera a morrena de Senegüé, una morrena frontal d'o glaciar d'a Val de Tena, conservando-se a forma perfecta d'arcoÁnchel Belmonte Ribas "Guía Geológica del Pirineo", Editorial Pirineo, 2003. pp110.
A suya economía s'alaceta en l'agricultura, a ganadería, a industria, sobretot a 5 km en Samianigo y a fabrica de siero fisiolochico de Bieffe Medital, situata entre Senegüé y Sorripas dende 1994. Hue tamién ye important o turismo mas que mas relacionato con a nieu u as ilesias romanicas de Sarrablo.
Molimentos Crucero "O Redol" d'o sieglo XVII, construyito en 1665. Ermita d'a Virchen d'o Collado d'o sieglo XVI, situata en chicot tozal d'a morrena terminal d'o glaciar de Tena. O puent de fusta sobre o río Galligo que une Senegüé con Larrede. A torre defensiva d'o sieglo XVI, en a suya parti baixa bi ye l'antiga garchola. A ilesia de Nuestra Sinyora de l'Asumpción d'estilo barroco y construita en o sieglo XVII. Os muros laterals son de l'antiga ilesia d'estilo romanico (sieglos XVI y XVII) que yera adedicata a Sant Satornín. A torre d'a ilesia ya existiba en o sieglo XVI.
Fiestas 29 de setiembre, en honor a Sant Miguel Arcánchel.
Vinclos externos www.senegue.com
Referencias
Categoría:Lugars de Samianigo Categoría:Lugars d'a provincia de Uesca Categoría:Localidaz d'a diocesi de Chaca en l'Alto Galligo