O Segundo Gubierno Chivite ye lo Gubierno de Navarra dende la suya formación o 18 d'agosto de 2023, mientres a XI Lechislatura d'o Parlamento de Navarra, succedindo a lo Primer Gubierno Chivite. Ye presidiu por María Chivite Navascués, d'o Partido Socialista de Navarra, y ye un gubierno tripartito en estar formau, amás de por o partiu d'a presidenta, por atros dos partius: Geroa Bai y Contigo Navarra-Zurekin Nafarroa.
Historia Dimpués d'as eleccions a lo Parlamento de Navarra de 28 de mayo de 2023, a composición d'a cambra dificultaba la formación d'un Gubierno, en no disponer de mayoría ni lo bloque de dreita formau por Unión del Pueblo Navarro (15 deputaus), Partido Popular de Navarra (3 deputaus) y Vox (2 deputaus) con un total de 20 deputaus ni lo bloque d'ezquierda formau por Partido Socialista de Navarra (11 deputaus), Geroa Bai (7 deputaus) y Contigo Navarra-Zurekin Nafarroa (3 deputaus), con un total de 21 deputaus. O motivo yera la presencia en o Parlamento d'un seteno partiu, Euskal Herria Bildu, que heba obteniu 9 deputaus, completando asinas os 50 parlamentarios que composan a cambra.
En ixas condicions, si Euskal Herria Bildu decidiba votar en contra de todas dos posibles combinacions, se plegaría en una situación de bloqueyo, en no estar posible que garra d'os dos bloques parlamentarios conseguise una mayoría simpla y encara menos una mayoría absoluta. En estar imposible que se venise a plego con o bloque de dreitas, a sola posibilidat yera una negociación d'o bloque de cuchas con EH-Bildu, parando cuenta amás que ixe partiu ya teneba un acuerdo en o Congreso d'os Deputaus con o Partido Socialista Obrero Español, habendo votau favorablement a investidura de Pedro Sánchez como president d'o Gubierno d'Espanya.
Finalment, o 14 d'agosto se celebró la primera sesión d'investidura con María Chivite Navascués como candidata a la presidencia, a on se requeriba mayoría absoluta d'os votos d'a cambra. En a votación, a candidata recibió 21 votos a favor (11 d'o Partido Socialista de Navarra, 7 de Geroa Bai y 3 de Contigo Navarra-Zurekin Nafarroa), 20 votos en contra (15 d'Unión del Pueblo Navarro, 3 d'o Partido Popular de Navarra y 2 de Vox) y se producioron 9 abstencions (os 9 deputaus d'Euskal Herria Bildu). En consecuencia, la cambra refusó la suya investidura y se convocó una nueva sesión ta lo día siguient.
O 15 d'agosto se celebró la segunda sesión d'investidura en o Parlamento, requerindo-se en ista ocasión nomás que mayoría simpla, y los siet partius tornoron a votar exactament en o mesmo sentiu que en a sesión anterior, con a cual cosa fue invesitida la candidata María Chivite Navascués como presidenta, con 21 votos a favor, 20 en contra y 9 abstencions.
A formación d'o nuevo Gubierno se publicó lo 18 d'agosto, como un gubierno de coalición entre los tres partius que heban votau favorablement a investidura de Chivite.
Estructura y composición ← Gubierno de María Chivite Navascués (18 d'agosto de 2023 - Actualidat) Partiu politico Partido Socialista de Navarra Geroa Bai Contigo Navarra-Zurekin Nafarroa Cargo / Departamento Titular Presidenta María Chivite Navascués18 d'agosto de 2023-Actualidat 70px Vicepresident primero Félix Taberna Monzón18 d'agosto de 2023-Actualidat 70px Vicepresident segundo Ana Ollo Hualde18 d'agosto de 2023-Actualidat 70px Vicepresident tercero Begoña Alfaro García18 d'agosto de 2023-Actualidat Presidencia y Igualdat Félix Taberna Monzón18 d'agosto de 2023-Actualidat 70pxFunción Publica, Interior y Chusticia Amparo López Antelo18 d'agosto de 2023-4 d'abril de 2024 Félix Taberna Monzón4 d'abril de 2023-6 d'abril de 2024 70px Amparo López Antelo6 d'abril de 2023-Actualidat Memoria, Convivencia, Acción Exterior y Euskera Ana Ollo Hualde18 d'agosto de 2023-Actualidat 70px Cohesión Interior Óscar Chivite Cornago18 d'agosto de 2023-Actualidat 70px Vivienda, Choventut y Politicas Migratorias Begoña Alfaro García18 d'agosto de 2023-Actualidat Educación Carlos Gimeno Gurpegi18 d'agosto de 2023-Actualidat 70px Dreitos Socials, Economía Social y Treballo Mari Carmen Maeztu Villafranca18 d'agosto de 2023-Actualidat 70px Economía y Hicienda José Luis Arasti Pérez30 d'agosto de 2023-Actualidat 70px Educación Fernando Domínguez Cunchillos18 d'agosto de 2023-Actualidat 70px Industria y Transición Ecolochica y Digital Empresarial Mikel Irujo Amezaga18 d'agosto de 2023-Actualidat 70px Desenrollo Rural y Medio Ambient José María Aierdi Fernández de Barrena18 d'agosto de 2023-Actualidat 70px Universidat, Innovación y Transformación Dichital Juan Cruz Cigudosa18 d'agosto de 2023-1 d'aviento de 2023 70px Patricia Fanlo Mateo7 d'aviento de 2023-Actualidat 70px Cultura, Esporte y Turismo Rebeca Esnaola Bermejo18 d'agosto de 2023-Actualidat 70px
Categoría:XI Lechislatura d'o Parlamento de Navarra Categoría:Segundo Gubierno Chivite