A ilesia de Nuestra Sinyora de Baldós de Montanyana ye una ilesia d'estilo romanico aragonesa (encara que de transición enta lo gotico) que se troba en a localidat de Montanyana, en o termin municipal de Puent de Montanyana, comarca de Ribagorza y provincia de Uesca. Dende lo punto d'anvista d'a suya adscripción administrativa en a Ilesia Catolica, pende de l'arcipestrau d'Sobrarbe-Ribagorza en a diocesi de Balbastro-Monzón y de l'archidiocesi de Zaragoza.
Ye una ilesia consagrada a Santa María construyida mientres o sieglo XIII Montañana. Nª Sª de Baldós, en www.RománicoAragonés.com. que ye la ilesia parroquial d'o lugar. Se troba dencima d'un chicot tozal, a lo canto d'a on se i trobaba lo castiello d'o lugar. Jaime Cobreros Aguirre: Las rutas del románico en España. Volumen II: Aragón, Cataluña, Navarra, País Vasco y La Rioja, Grupo Anaya, S.A., Madrit, 2004, 1era edición, , p.217. Se debanta dencima d'una ilesia anterior, que estaba adedicada a sant Martín de Tours.
Descripción Planta Se tracta d'un edificio con planta en forma de cruz griega (atras fuents afirman que en planta de cruz latina) y dotau con un abside semicircular. Poseye dos capiellas laterals dotadas de voveda apnchada, caracteristica que comparten con a voveda d'a nau principal (ta Cobreros ixas capiellas laterals son as que li dan forma de cruz griega a la planta).
Abside Como s'ha dito, lo suyo abside ye semicircular y tien una finestra en o suyo centro.
Frontera meridional Ye l'elemento mas destacau d'o templo. Poseye seis arquivoltas (Antonio García Omedes en a suya web en menciona cinco) con decoración simpla, que arredolan un timpano a on se amuestra a Cristo en Machestat u Pantocrátor (con un libro, la lux mundi, en a suya man cucha y bendecindo con a dreita) con mandorla, estando reformau por un ánchel a cadaguno d'os cantos suyos. O trasdós de l'arquivolta exterior ye dentau, con puntas de diamant.
En os capitels d'as columnas que refirman as arquivoltas se presentan escenas relativas a la expulsión d'o Paradiso terrenal d'Adán y Eva y d'astras escenas como l'Anunciación u la Resurrección de Cristo.
Torre A ilesia tien una torre-campanar adosada d'o sieglo XV, Nuestra Señora de Baldós en a web Rutas con Historia con tres cuerpos, que destacan en estar marcaus cadagún d'éls por impostas en o suyo exterior. A torre ye en estilo gotico y poseye cuatro cuerpos u altarias, tres exterior y lo baixo encastau en o templo.
Se i conserva una campana datada en 1617.
Retaulo Se i conservaba un retaulo, pero fue robau por Erik o Belga, trastallau en partes y vendiu a coleccionistas foranos, trobando-se bellos fragmentos en poder de coleccionistas en Estaua Unius.
Estatuaria Tamién se i conservaba una estatua de Nuestra Sinyora de Baldós, que fue destruyida mientres a Guerra Civil Espanyola. Ista estatua yera protagonista d'una lechenda local, que deciba que dimpués d'estar trobada por un pastor y colocada en una d'as capiellas laterals, a la estatua no li cuacó lo puesto y ella sola se tresladó enta l'altar central d'a ilesia.
Referencias
Vinclos externos
Montañana. Nª Sª de Baldós, en www.RománicoAragonés.com. Nuestra Señora de Baldós en a web Rutas con Historia.
Nuestra Sinyora de Baldós de Montanyana Nuestra Sinyora de Baldós de Montanyana Nuestra Sinyora de Baldós de Montanyana Nuestra Sinyora de Baldós de Montanyana Montanyana Nuestra Sinyora de Baldós de Montanyana Ilesia de Nuestra Sinyora de Baldós