300px|thumb|As oliveras d'a variedat empeltre se caracterizan por a suya altaria y porte endrezau. En a imachen una olivera d'a D.O. Baixo Aragón en a comarca teruelana d'o Matarranya. Empeltre u empelte ye una variedat d'olivera predominant en Aragón y Balears. Ye a variedat mas estendillada en o secano tradicional aragonés. Constituye a variedat senya d'identidat d'a Denominación d'Orichen Aceite d'o Baixo Aragón.

Ista variedat se troba prencipalment estendida por o Baixo Aragón teruelano (mas que mas Baixo Aragón, Baixo Martín, Matarranya y Andorra-Sierra d'Arcos), en as comarcas zaragozanas de Campo de Belchit, Baixo Aragón-Casp, Comunidat de Calatayú y Campo de Borcha y en o Semontano de Balbastro y Cinca Baixa en Uesca. Difuera d'Aragón se puet trobar tamién dende Logronyo dica a provincia de Tarragona, igual que en a provincia de Castellón, sud de Catalunya, La Rioja y Navarra. I hai cautivadas 80.000 hectarias d'ista variedat en Espanya. En America i hai plantacions en Archentina (Mendoza y Córdoba).

Denominacions Prene o suyo nombre debiu a que como os esqueixes no fan raíz fácilment s'ha d'empeltrar obligatoriament. En muitas zonas d'Aragón le'n diz 'empeltre' tanto a la variedat d'olivera como a l'olivar en cheneral. En Tarazona se conoixe ista variedat como de aceite, en Belchit como fina y en Exeya d'os Caballers como negral. Variedades de olivo del Somontano. Javier Viñuales Andreu

Os termins empelte Empelte. Real Academia Española. (como aragonesismo) y empeltre (como catalanismo) son incluyius tamién en o Diccionario de la lengua espanyola. Empeltre. Real Academia Española. Tamién existe en castellano a denominación zuquecilla.

En catalán recibe tamién os nombres de mallorquina (en Mallorca), pagesa (en Eivissa), Terra Alta y de la Llei (en Catalunya). Ista variedat ye tamién conoixida como aragonesa en Tortosa, Vinaroz y La Vall d'Alba.

Caracteristicas agronomicas 250px|thumb|Olivas empeltre, Matarranya, Teruel Variedat de vigor meya, rustica pero sensible a las fuertes cheladas hibernals. Tarda muito en dentrar en producción dende l'inte d'a plantación. A productividat ye constant y alta sin sofrir o fenomeno d'a contranyada. Fácil recolección mecanica, ya que a oliva, de peso meyo y alargada, se quita facilment de l'árbol con maquinas vibradoras, encara que tradicionalment se fa servir a recolección manual.

As oliveras d'a variedat empeltre poseyen una gran envergadura asinas como brillants fuellas de color verda fosca y olivas negro zabache de maduración temprana. De forma alargada, asimetrica y lucherament bombeada por o dorso. Tienen un volumen meyo de 2,7 gramos con una relación polpa/ueso de 5/3.

Referencias

Vinclos externos Denominación d'Orichen Aceite d'o Baixo Aragón Consello Regulador d'a Denominación d'Orichen Protechida "Oli de la Terra Alta" Consello Regulador d'a Denominación d'Orichen Protechida "Oli de Mallorca" Asoliva: variedaz d'olivera en Espanya Variedades de España. Empeltre.

Categoría:Variedaz d'oliva