Saúl Gazo Borruel (Boltanya, 7 de febrero de 1888 - Uesca, 22 d'aviento de 1957) estió un chuez, periodista y politico aragonés, qui estió consellero de Chusticia d'o Consello Rechional de Defensa d'Aragón.
Biografía Naixiu d'a villa de Boltanya en 1888, yera o fillo mayor d'o machistrau Félix Gazo Calvo y d'Antonina Borruel y chirmán entre atros de Félix Gazo Borruel, debuixant, y Marín Gazo Borruel, alcalde republicano en Boltanya. Fació o bachillerato entre Uesca y Zaragoza y lo remató en Logronyo. Dimpués prencipió a carrera de Dreito en 1915 en a Universidat de Salamanca y la remató en a Universidat de Valladolit. Amás d'a suya carrera de chuez se dedicó profesionalment a o periodismo, colaborando con cuantos periodicos d'as ciudaz de Zaragoza, Balbastro, Valladolit, Uesca, Oviedo y Xixón. Estió corresponsal d'El Liberal de Madrid y colaboró con atros periodicos madrilenyos como El Fígaro y El Día. Tamién estió director d'El Diario de Huesca, dende zaguerías de 1928 y en octubre de 1931 establió y dirichió El Radical de Huesca. Entre os anyos 1924 y 1928 estió deputau provincial en a Deputación Provincial de Uesca. Jaime Plá y Plá: historia de un compromiso
Mientres a Segunda Republica Espanyola fue deputau en as Corz Chenerals, asinas como chuez de l'Audiencia Provincial de Uesca. Mientres a Guerra Civil fue delegau d'o Gubierno en a Confederación Hidrografica d'Ebro, colaborando con o ministro Bernardo Giner de los Ríos. Estió de facto consellero de Chusticia d'o Consello Rechional de Defensa d'Aragón en os primers días d'agosto de 1937 dica a suya disolución, habendo ocupau antis o cargo de subsecretario d'o consellero de ChusticiaRepública y guerra civil en Sobrarbe. Revista Sobrarbe. Num. 12..
En rematar a guerra s'exilió ta Francia, estando deteniu por a policía francesa chunto con o suyo chirmán Marín en octubre de 1941 en Aulorón. Dende 1942 residió en Banyeras de Bigorra colaborando con o lanzamiento d'o semanario L'Espagne Républicaine. Solicitó a suya repatriación y la d'a suya muller en 1948, tornando en 1949 primero ta Barcelona y dimpués ta Uesca capital, a on morió en aviento de 1957.
Referencias
Vinclos externos Saúl Gazo Borruel en "Con nombre y apellidos". Saúl Gazo Borruel. República y exilio: Una vida intensa en una epoca convulsa. Revista Sobrarbe. Num. 11. Saúl Gazo Borruel. PARES. Saúl Gazo Borruel. Fundació. Pablo Iglesias.
Categoría:Chueces d'Aragón Categoría:Deputaus d'a II Lechislatura d'a Segunda Republica Espanyola Categoría:Deputaus por a circumscripción electoral de Uesca mientres a Segunda Republica Categoría:Exiliaus aragoneses en Francia Categoría:Gubierno Ascaso Categoría:Naixius de Boltanya Categoría:Muertos en Uesca Categoría:Politicos d'Aragón Categoría:1888 (naixencias) Categoría:1957 (muertes)