Iste artico ye sobre una cinta de drama historico coproducida por Espanya, Francia y Italia y estrenada en 1979; ta atros usos, se veiga Ogro (desambigación).

Ogro (títol orichinal, estrenada en Aragón con o títol d'Operación Ogro) ye una cinta de cine de drama |historico estrenada l'anyo 1979, coproducida por o cine italiano y lo cine espanyol, dirichida por Gillo Pontecorvo seguntes un guión adaptau por Ugo Pirro, Giorgio Arlorio y Gillo Pontecorvo (basau en l'asayo Operación Ogro, publicau por Eva Forest en 1974), con una banda sonora orichinal d'Ennio Morricone, una dirección de fotografía de Marcello Gatti, una producción cinematografica de Jesús Gárgoles, José Sámano y Franco Cristaldi ta las productoras Vides Cinematografica y Sabre Films, y con un elenco formau por Gian Maria Volonté, Eusebio Poncela, José Sacristán, Ángela Molina, Saverio Marconi, Nicole García, Féodor Atkine, Agapito Romo, Ana Torrent, José Manuel Cervino, Luis Politti y Fernando Chinarro, entre d'atros actors.

A cinta conta l'asasinato de Carrero Blanco, ye decir, l'atentau organizau por a organización terrorista basca Euskadi Ta Askatasuna lo 20 d'aviento de 1973 en Madrit contra l'almirant Luis Carrero Blanco, president d'o Gubierno en ixos momentos d'a dictadura franquista. Explica cómo cuatre miembros d'ETA planificoron a operación, que inicialment preveyeba nomás que secuestrar a Carrero a la salida d'a Ilesia de Sant Francisco de Borcha, a on i asistiba diariament a misa. En plegar enta Madrit, se fan pasar por treballadors d'un banco, y planifican o secuestro de Carrero, que en ixe momento yera nomá que un personache important d'o rechimen, con a finalidat de demanar a libertat de 150 presos d'ETA. Tanimientres, as cosas cambian cuan Carrero ye nombrau president d'o Gubierno y se fa evident que de morir o dictador Francisco Franco lo suyo succesor en a dictadura estaría Carrero. En ixe momento se decide asasinar-lo en cuentas de secuestrar-lo, y ta ixo logan un estudio semisubterranio en una carrera per on circula l'auto de Carrero cuan marcha d'a ilesia. Un d'éls se fa pasar por escultor, advertindo que lo suyo treballo puet provocar rudios, con a finalidat d'evitar que lo ruido d'a excavación d'un túnel pueda atrayer l'atención. Mientres ueito meses, excavan mica en mica, dica que a tierra que extrayen prencipia a atufar a gas, obligando-los a actuar immediatament. Activan una carga explosiva baixo l'auto de Carrero, que vola dica la perchaza de l'edificio annexo a a ilesia. Proveitando d'a situación de desconcierto d'ixos primers momentos, fuyen enta Francia.

A cinta s'ambienta en l'anyo 1973 en as ciudaz de Bilbau (País Basco) y Madrit (Comunidat de Madrit), y las suyas escenas se filmoron en ixas dos mesmas ciudaz. Localizacions d'Ogro en Internet Movie Database.

Ye una cinta que ha recibiu bels premios, como lo Premio David de Donatello a lo Millor Director en 1980 mientres a 25ena edición d'os Premios David de Donatello.

Elenco Ogro en Internet Movie Database. Actor Papel Notas ''''

Se veiga tamién Cine en 1979. Cintas de 1979.

Referencias

Vinclos externos Ogro en Internet Movie Database.

Categoría:Cintas ambientadas en Bilbau Categoría:Cintas ambientadas en Madrit Categoría:Cintas ambientadas en 1973 Categoría:Cintas con banda sonora orichinal d'Ennio Morricone Categoría:Cintas con dirección de fotografía de Marcello Gatti Categoría:Cintas con guión de Giorgio Arlorio Categoría:Cintas con guión de Gillo Pontecorvo Categoría:Cintas con guión d'Ugo Pirro Categoría:Cintas con montache de Mario Morra Categoría:Cintas de cine de drama Categoría:Cintas de cine historico Categoría:Cintas d'Espanya Categoría:Cintas d'Italia Categoría:Cintas dirichidas por Gillo Pontecorvo Categoría:Cintas en castellano Categoría:Cintas en italiano Categoría:Cintas en Eastmancolor Categoría:Cintas interpretadas por Agapito Romo Categoría:Cintas interpretadas por Ana Torrent Categoría:Cintas interpretadas por Ángela Molina Categoría:Cintas interpretadas por Eusebio Poncela Categoría:Cintas interpretadas por Féodor Atkine Categoría:Cintas interpretadas por Fernando Chinarro Categoría:Cintas interpretadas por Gian Maria Volonté Categoría:Cintas interpretadas por José Sacristán Categoría:Cintas interpretadas por José Manuel Cervino Categoría:Cintas interpretadas por Luis Politti Categoría:Cintas interpretadas por Nicole García Categoría:Cintas interpretadas por Saverio Marconi Categoría:Cintas producidas por Franco Cristaldi Categoría:Cintas producidas por Jesús Gárgoles Categoría:Cintas producidas por José Sámano Categoría:Cintas rodadas en Bilbau Categoría:Cintas rodadas en Madrit