Los 2 lados de la cama (títol orichinal en castellano, en aragonés Os 2 cantos d'a cama) ye una cinta de cine espanyol de cine de comedia musical estrenada l'anyo 2005, dirichida por Emilio Martínez-Lázaro seguntes un guión orichinal de David Serrano, con una banda sonora orichinal de Roque Baños, una dirección de fotografía de Juan Molina Temboury y una producción cinematografica de Tomás Cimadevilla ta las productoras Vértice 360, Canal+ España, Estudios Picasso, Impala y Telecinco. De l'elenco d'actors d'a cinta en fan parte, entre d'atros, Ernesto Alterio, Guillermo Toledo, Alberto San Juan, María Esteve, Pilar Castro, Lucía Jiménez, Secun de la Rosa, Juana Acosta, Verónica Sánchez, Luis Bermejo, Helena Castañeda, Juan José del Rey, Diego París, Maite Pastor, Manuel Peinado y Roberto Álamo. A cinta fa parte d'una serie de cintas sobre la cama, estando precedida por El otro lado de la cama (2002, Emilio Martínez-Lázaro) y tenendo continación con Todos los lados de la cama (2025,Samantha López Speranza).
En 2005, tres anyos dimpués d'os escaicimientos relataus en El otro lado de la cama, Pedro, Rafa y Javier pareixen haber madurau una mica. Javier se casará bien luego con Marta, Pedro tien una relación bien estable con Raquel y pareixe estar pensando tamién en o matrimonio, y Rafa ye la parella de Pilar en una relación tamién bien estable. En a fiesta a on os mesaches celebran a fin d'a soltería de Javier, conoixen a Carlota, qui chusto ha rematau a suya relación y ye bien empelucada. Lis fa proposicions, pero toz éls deciden remanir fidels a las suyas parellas. O día d'a voda, Marta plega enta la puerta d'a ilesia a on l'aspera Javier, pero no baixa de l'auto, so que marcha d'o lugar. O motivo ye que tien una relación con Raquel, cosa que desconoixeban mesmo Javier que Pedro, que se troban toz dos sin parella. Casualment troban a Carlota, qui lis proposa de fer un trío. A la vegada, Rafa ye preocupau por si Pilar l'enganya, y encomenda a su amigo Carlos, o solo miembro d'o grupo d'amigos que no tien garra parella, que la cosire, plegando a decir-le que viva en a suya casa mientres a suya ausencia, sin saber que en realidat Carlos y Pilar son tenendo una aventura.
A cinta s'ambienta en a suya epoca actual (2005) en a ciudat de Madrit, y las suyas escenas se filmoron en ixa mesma capital. Localizacions de Los 2 lados de la cama en Internet Movie Database.
Elenco Los 2 lados de la cama en Internet Movie Database. Actor Papel Notas ''''
Se veiga tamién Cine en 2005. Cintas de 2005.
Referencias
Vinclos externos Los 2 lados de la cama en Internet Movie Database.
Categoría:Cintas ambientadas en Madrit Categoría:Cintas ambientadas en 2005 Categoría:Cintas con banda sonora orichinal de Roque Baños Categoría:Cintas con dirección de fotografía de Juan Molina Temboury Categoría:Cintas con guión de David Serrano Categoría:Cintas con montache de Fernando Pardo Categoría:Cintas de cine de comedia Categoría:Cintas de cine musical Categoría:Cintas d'Espanya Categoría:Cintas dirichidas por Emilio Martínez-Lázaro Categoría:Cintas en castellano Categoría:Cintas interpretadas por Alberto San Juan Categoría:Cintas interpretadas por Diego París Categoría:Cintas interpretadas por Ernesto Alterio Categoría:Cintas interpretadas por Guillermo Toledo Categoría:Cintas interpretadas por Helena Castañeda Categoría:Cintas interpretadas por Juan José del Rey Categoría:Cintas interpretadas por Juana Acosta Categoría:Cintas interpretadas por Lucía Jiménez Categoría:Cintas interpretadas por Luis Bermejo Categoría:Cintas interpretadas por Maite Pastor Categoría:Cintas interpretadas por Manuel Peinado Categoría:Cintas interpretadas por María Esteve Categoría:Cintas interpretadas por Pilar Castro Categoría:Cintas interpretadas por Roberto Álamo Categoría:Cintas interpretadas por Secun de la Rosa Categoría:Cintas interpretadas por Verónica Sánchez Categoría:Cintas producidas por Tomás Cimadevilla Categoría:Cintas rodadas en Madrit