Misfits ye un grupo musical estausunidense d'horror punk y hardcore punk formau en a ciudat de Lodi (Nueva Jersey), fundau y liderau orichinalment per o cantaire Glenn Danzig. O suyo estilo musical se relaciona amplament con cheneros como lo heavy metal . y lo rock and roll.

The Misfits siempre ha amostrau afinidat con o publico d'o heavy metal, con tot y con tanyer punk-rock. En os suyos inicios tocaban un punk rock pareixiu a lo d'os suyos grans amigos The Ramones y con claras influyencias d'o punk anglés d'os anyos 1970, pero dimpués se vulcoron definitivament enta lo hardcore punk d'a escuela californiana de bandas como Black Flag y Circle Jerks.

Amás, a suya imachen tenebrosa y asociada a lo cine de terror, creyó sin querer-lo una nueva variant d'o punk conoixida como horror punk.

A violencia y la velocidat d'as suyas cancions en ixa etapa estió lo motivo per o cual cualques bandas d'a escena d'o thrash metal como Metallica, se sentisen influyenciadas y Misfits aconsiguió afinidat con ixe publico, encara que estase una banda historica d'o punk.

La primera formación d'o grupo yera constituyida per o vocalista Glenn Danzig, lo baixista Jerry Only, lo baterista Manny Martínez y lo guitarrista Franché Coma. En noviembre de 1978 dentró Bobby Steele como guitarrista en cuentas de Franché Coma, y Joey Image como baterista. Con esta formación gravoron cuantos EP y mesmo gran parte de fans dicen que esta estió la suya millor formación. Esta aliniación duraría dica 1980, dimpués de que Danzig y Only desen palleta a Steele pa que i dentrase Paul Caiafa, chirmán chicot de Jerry Only. Arthur Googy yera qui tanyeba la batería entre 1980 y 1982, dimpués d'a marcha de Joey Image en 1980. En 1982 dentró Furto como baterista y estando esta la suya formación mas clasica y remerada per os fans. Luego de diferencias musicals, Glenn Danzig disolvió la banda en 1983.

Tot y que la banda se deseparó en 1983, Jerry Only reunió a atros músicos pa reformar-la, pero sin o compositor, vocalista y fundador Glenn Danzig.

Os miembros estioron pioners en utilizar lo maquillache corpse paint y Jerry Only estió l'inventor d'o estilo de pentinau devilock.

Historia Misfits ha estau considerau a lo largo d'os anyos como un d'os grupos mas importants d'o movimiento punk contemporanio, estando un d'os integrants d'a primera ola d'o chenero y difusors d'o mesmo; amás, creyoron una variant clamada horror punk, que s'ha desenrrolau mientres os zaguers decenios. A traviés d'o tiempo lo grupo s'ha caracterizau per composar cancions basadas en cintas de terror y ciencia-ficción, y per a suya imachen terrorifica y de conflictos adintro y difuera d'o escenario.

O logo d'a banda provién d'un personache d'una serie televisiva de 1946 clamada The Crimson Ghost.

Mientres a suya carrera, lo grupo ha pasau per dos etapas clarament definidas. A primera con o vocalista y fundador Glenn Danzig, dica 1983, (o zaguer disco en que partecipó Glenn ye lo single publicau en 1984 Die, Die My Darling) y la segunda, dende 1994, primero con o vocalista Michale Grieus y dimpués incorporando a tres integrants d'os prencipals grupos de punk rock d'a primera ola: Marky Ramone (The Ramones) en a batería, Dez Cadena (Black Flag) en a guitarra y Jerry Only como vocalista y baixista, estando lo solo que ha tocau en toz los discos d'o grupo.

O grupo se formó en 1977 per Glenn Danzig. A primera etapa de Misfits estió dende 1977 dica 1983, y remató a causa de diferencias musicals entre Danzig y los atros integrants d'a banda (Jerry Only y lo suyo chirmán, lo guitarrista Doyle Wolfgang von Frankenstein).

Estos zaguers dos estioron los encargaus d'a clamada «resurrección» de Misfits en a suya segunda etapa, que se prencipió a planificar a finals de l'anyo 1989 pero que a causa de problemas legals con Danzig no se concretó que dica 1994, con un nuevo vocalista, Michael Graves, y baterista, Dr. Chud. En esta etapa gravoron l'influyent disco American Psycho (1997), o tercer disco d'estudio, que los tornó a lo primer plano d'a escena musical, obtenendo muita buena recepción per part d'a critica y d'o publico en cheneral. Manimenos, con tot y con l'exito, esta etapa duró nomás que seis anyos, dica que en 2001 nuevas diferencias naixioron entre los integrants d'o grupo chenerando la marcha d'ella en primeras de Grieus y Dr. Chud y dimpués de Doyle, los cuals estioron substituyius per Dez Cadena (guitarra) y Marky Ramone (batería). Dende 2004, Misfits ya no conta con Marky Ramone en a batería, labor que fa un atro veterano d'a viella escuela punk, o colombiano FURTO, que ya heba tocau anteriorment en Misfits entre 1982 y 1983 cuan gravoron o suyo segundo disco d'estudio, l'aclamado disco Earth A.D./Wolfs Blood.

En 2007 o grupo celebró lo suyo 30eno cabo d'anyo con una serie de recitals per Europa, Asia, Canadá, Mexico y Estaus Unius, incluyindo-ie lo Cerro Sombrero, en a rechión de Magallanes y de l'Antarctica Chilena. En 2010, FURTO decidió albandonar o grupo, pa tornar enta lo suyo país y estar con a suya familia, per lo cual tornó l'antigo baterista de Murphy's Law, Eric Arce, qui ya heba colaborau con o grupo de vegada d'antes mas. Posteriorment a formación quedó formada por: Jerry Only como vocalista y baixista, Dez Cadena en a guitarra y coros y Eric Arce en a batería; con esta aliniación se mantenioron activos fendo conciertos per tot arreu.

O seiseno disco d'estudio d'o grupo, titulau The Devil's Rain, se gravó con o productor Ed Stasium (The Ramones, Living Colour) y publicau lo 4 d'octubre de 2011.

En 2013, o guitarrista Dez Cadena anunció la suya marcha oficial d'o grupo a traviés de Facebook, con un mensache decindo que preferiba luitar per a suya vida, ya que l'anyo anterior li heban detectau cáncer de garganchón, y li heban extirpau un tumor d'a larinche, remanindo con dificultat pa charrar; dimpués d'a suya marcha Jerry Only presentó a lo suyo fillo, Jerry Caiafa II, como nuevo guitarrista en un concierto.

En setiembre de 2016, per primera vegada en 33 anyos, Danzig, Only y Doyle se reunioron pa dos shows prencipals en o Riot Fest, de conchuntas con o baterista Dave Lombardo y lo segundo guitarrista Acey Slade. Tamién se reunioron pa dos shows de Nueit de Nadal en Las Vegas y Los Angeles en aviento de 2017. Se presentoron nuevament en o Prudential Center en Newark (Nueva Jersey) o 19 de mayo de 2018. Lo 27 d'abril de 2019 tanyoron en l'Allstate Arena en Chicago (Illinois). En 2023 realizoron cuantas presentacions en directo en bellas ciudaz d'os Estaus Unius. O 17 de mayo de 2024, se presentoron en o festival de mosica y arte "Sonic Temple", celebrau en l'Historic Crew Stadium d'a ciudat de Columbus (Ohio), nuevament con Lombardo en a batería y Slade en a segunda guitarra.

Discografía Discos d'estudio 1982: Walk Among Us. 1983: Earth A.D./Wolfs Blood. 1997: American Psycho. 1997: Static Age (publicau en chulio de 1997, encara que gravau en 1978). 1999: Famous Monsters. 2011: The Devil's Rain.

Singles, en directo y EPs 1977: Cough/Cool. 1977: Bullet. 1977: Teenagers From Mars. 1978: Who Killed Marilyn?. 1978: Horror Business. 1979: Night Of The Living Dead. 1979: Beware. 1980: 3 Hits from Hell. 1980: Halloween. 1981: Evilive (EP en directo). 1984: Die, Die My Darling. 1996: Dig Up Her Bones. 1997: I Wanna Be a NY Ranger, 1998: Scream!. 1998: Monster Mash. 2001: Day the Earth Caught Fire. 2005: Psycho in the Wax Museum. 2009: Land of the Dead. 2012: Descending Angel. 2012: Horror X-Mas. 2015: Vampire Girl. 2015: Zombie Girl. 2016: Friday The 13th.

Discos recopilatorios, de versions u en directo 1984: Legacy of Brutality (vinilo, caset, CD). 1985: Misfits (vinilo, caset, CD). 1989: Misfits II (vinilo, caset, CD). 1997: Evilive II (vinilo, caset, CD). 2001: 12 Hits From Hell (CD publicau en 2001 pero gravau en 1980; disco no oficial) 2001: Cuts from the Crypt (CD). 2004: Project 1950. 2012: Dead Alive! (CD).

Miembros Miembros actuals Glenn Danzig - voz (1977-1983) (2016-present). Jerry Only - baixo, voz, coros (1977-1983) (1995-present). Doyle Wolfgang von Frankenstein - guitarra líder (1980-1983) (1995-2001) (2016-present). Dave Lombardo - batería (2016-present). Acey Slade - guitarra ritmica, coros (2016–present).

Antigos miembros Franché Coma - guitarra (1977-1978). Bobby Steele - guitarra (1978-1980). Manny Martínez - batería (1977). Mr. Jim - batería (1977-1978). Rick Riley - guitarra (1978). Joey Image - batería (1978-1979). Arthur Googy - batería (1980-1982). FURTO - batería (1982-1983, 2005-2010). Brian Damage - batería (1983). Dr. Chud - batería (1995-2000). Michale Grieus - voz (1995-2000). Myke Hideous - voz (1998). Zoli Téglás - voz (2000). Marky Ramone - batería (2000-2004). Dez Cadena - guitarra (2001-2015). Eric "Goat" Arce - batería (2010-2016). Marc Rizzo - guitarra (2015).

Cronolochía

Se veiga tamién Horror punk. Devilock.

Referencias

Vinclos externos

Pachina web oficial de Misfits. Misfits Central; pachina web no oficial. One Thirty Eight; pachina web no oficial. TV Casualty; pachina web no oficial. Misfits Fan Zone, pachina web de fans.

Categoría:Grupos de hardcore punk Categoría:Grupos d'horror punk Categoría:Grupos de musica d'Estaus Unius Categoría:Grupos de punk rock