Iste ye un articlo sobre una cinta de western estausunidense de 1952 dirichida por George Marshall; ta atros usos, se veiga The Savage.

The Savage (títol orichinal en anglés, en aragonés O salvache, estrenada en Aragón con o suyo títol traduciu enta lo castellano como El salvaje) ye una cinta de cine de western dramatico de cine estausunidense estrenada l'anyo 1952, dirichida por George Marshall seguntes un guión adaptau por Sydney Boehm (basau en The Renegade, una novela publicada por L. L. Foreman en cinco partes en 1942 y como un solo libro en 1949), con una banda sonora orichinal de Paul Sawtell, una dirección de fotografía de John F. Seitz, una producción cinematografica de Mel Epstein ta la productora cinematografica Paramount Pictures y un elenco d'actors d'o cual en fan parte, entre d'atros, Charlton Heston, Susan Morrow, Peter Hansen, Joan Taylor, Richard Rober, Don Porter, Ted de Corsia, Ian MacDonald, Milburn Stone, Angela Clarke, Michael Tolan, Howard Negley, Orly Lindgren y John Sitting Bull.

O nino Jim Aherne Jr. ye lo solo supervivient d'un ataque d'os indios crows a la suya caravana. Ye rescatau por os indios sioux y educau por o chefe Aliga Amariella, qui lo cudia como a un fillo y lo clama Sombrero de Guerra. Cuan plega enta la mayoría d'edat, un d'os sioux cuestiona la suya leyaldat a la tribu por os suyos oríchens. A la vegada, en as Black Hills d'o territorio sioux se i ha trobau oro y la tribu aspera que se cumplan os tractaus anteriors que confirman a posesión d'ixe territorio por os sioux. Aliga Amariella ninvía a Sombrero de Guerra enta Fort Duane, ta que averigüe si los estausunidenses quieren cumplir u no con o tractau, y iste de camín enta lo fuerte salva a un grupo de soldaus d'un ataque d'os crows. Qui manda lo grupo ye lo tenient Hathersall, a qui Sombrero de Guerra se presenta como Jim Aherne, un trapero d'a redolada. En o fuerte, Sombrero de Guerra s'intresa por Tally, la chirmana d'o tenient, en un sentimiento reciproco, provocando la celera d'o capitán Vaughant, qui amás odia a los indios. Bel día han de marchar de picnic Sombrero de Guerra, Tally y lo suyo chirmano, pero Sombrero de Guerra veye sinyals de fumo y marcha a escape. Os crows han atacau y asasinau a un grupo de soldaus y han secuestrau a Luta, su chirmana adoptiva, a qui previament heban secuestrau ixos mesmos soldaus. Soldado de Guerra rescata a Lula con un chicot grupo de sioux, pero un d'éls, Can Amariello, que l'odia, fuye y diz a la tribu que ha muerto y que l'han matau os soldaus, mesmo que a Luta. A la vegada, Vaughant con un grupo de soldaus ha descubierto a los soldaus muertos y malas que veyen a lo grupo de Sombrero de Guerra, disparan, matando a Luta. Sombrero de Guerra leva lo cadavre de Luta enta la tribu y deciden vengar-se matando a toz os soldaus, asinas que Sombrero de Guerra torna enta lo fuerte y fa que los soldaus en primeras ataquen un campamento d'os crows. En acabar a luita y conoixer Vaughant que han atacau un campamento crow en cuentas d'un sioux, luita con Sombrero de Guerra, y muere en a baralla en disparar-le un d'os soldaus que respecta a lo tenient y a Sombrero de Guerra y odia (como toz) a lo capitán. En teoría lo plan d'os sioux ye que Sombrero de Guerra leve a los soldaus enta una emboscada ta poder dimpués atacar o fuerte, pero cuan en una reunión d'amagau mientres o viache Aliga Amariella li diz que quieren exterminar a toz os blancos de tot o territorio y mesmo dillá, Sombrero Amariello se replanteya muitas cosas.

A cinta s'ambienta en Dakota d'o Sud en bel momento indeterminau d'a segunda metat d'o sieglo XIX, y las suyas escenas se filmoron en Rapid City y atros puestos en Dakota d'o Sud, amás d'en os Paramount Studios en Los Angeles (California. Localizacions de The Savage] en Internet Movie Database.

Elenco The Savage en Internet Movie Database. Actor Papel Notas ''''

Se veiga tamién Cine en 1952. Cintas de 1952.

Referencias

Vinclos externos The Savage en Internet Movie Database.

Categoría:Cintas ambientadas en Dakota d'o Sud Categoría:Cintas ambientadas en o sieglo XIX Categoría:Cintas con banda sonora orichinal de Paul Sawtell Categoría:Cintas con dirección de fotografía de John F. Seitz Categoría:Cintas con guión de Sydney Boehm Categoría:Cintas con montache d'Arthur P. Schmidt Categoría:Cintas de cine de drama Categoría:Cintas de western Categoría:Cintas d'Estaus Unius Categoría:Cintas dirichidas por George Marshall Categoría:Cintas en anglés Categoría:Cintas en Technicolor Categoría:Cintas interpretadas por Angela Clarke Categoría:Cintas interpretadas por Charlton Heston Categoría:Cintas interpretadas por Don Porter Categoría:Cintas interpretadas por Howard Negley Categoría:Cintas interpretadas por Ian MacDonald Categoría:Cintas interpretadas por Joan Taylor Categoría:Cintas interpretadas por John Sitting Bull Categoría:Cintas interpretadas por Michael Tolan Categoría:Cintas interpretadas por Milburn Stone Categoría:Cintas interpretadas por Orly Lindgren Categoría:Cintas interpretadas por Peter Hansen Categoría:Cintas interpretadas por Richard Rober Categoría:Cintas interpretadas por Susan Morrow Categoría:Cintas interpretadas por Ted de Corsia Categoría:Cintas producidas por Mel Epstein Categoría:Cintas rodadas en Dakota d'o Sud Categoría:Cintas rodadas en Los Angeles Categoría:Cintas rodadas en Rapid City