Iste articlo ye sobre una cinta de cine de drama belico estrenada en 2005; ta atros usos, se veiga Joyeux Noël.

Joyeux Noël (títol orichinal en francés, en aragonés Feliz Navidat, estrenada en Aragón con o suyo títol traduciu enta lo castellano como Feliz Navidad) ye una cinta de cine de drama belico coproducida por o cine francés, o cine alemán, o cine britanico, lo cine belga, lo cine rumano y lo cine chaponés y estrenada l'anyo 2005, dirichida por Christian Carion seguntes un guión orichinal d'él mesmo, con una banda sonora orichinal de Philippe Rombi, una dirección de fotografía de Walther Vanden Ende y una producción cinematografica de Christophe Rossignon y Benjamin Herrmann ta las productoras Nord-Ouest Films, Senator Film Produktion, The Bureau, Artémis Productions, Media Pro Pictures, TF1 Films Production y Les Productions de la Guéville. Conta con un elenco d'o cual en fan parte, entre d'atros, os actors Benno Fürmann, Guillaume Canet, Diane Kruger, Gary Lewis, Alex Ferns, Dany Boon, Daniel Brühl, Christian Carion, Christopher Fulford, Mathias Herrmann, Neil McNulty, Lucas Belvaux, Steven Robertson, Suzanne Flon, Bernard Le Coq, Ian Richardson y Thomas Schmauser.

A cinta s'inspira en feitos reals: d'una man, os cuantos episodios de treugua de Navidat escaicidos en a Nueit de Nadal y la Nueit de Cabo d'Anyo en 1914 mas que mas en o Frent Occidental mientres a Primera Guerra Mundial, y d'atra man o feito de que lo prencipe Guillén de Prusia y hereu de l'Imperio Alemán ninviase enta lo frent a lo tenor Walter Kirchhoff, voz prencipal d'a Orquestra Imperial de Berlín, a cantar ta los soldaus alemans, y que los soldaus escoceses de l'exercito britanico salisen d'as suyas trincheras ta aplaudir-lo. A cinta se centra en seis personaches: Gordon (tenient britanico d'os Royal Scots Fusiliers), Audebert (tenient francés d'o 26eno Rechimiento d'Infantería), mosén Palmer (un mosén escocés), Horstmayer (un tenient chudieu alemán d'a 93ena División d'Infantería), Nikolaus Sprink (un tenor aleman mobilizau) y Anna Sørensen (la suya novia danesa y mezzosoprano). Comienza con ninos en as escuelas fendo discursos patrioticos, ta enlazar con las succesivas mobilizacions de toz os protagonistas ta rematar trobando-se en as trincheras. Audebert mira una fotografía de su muller embarazada que ha teniu un fillo pero se troba en territorio ocupau por os alemans y él no conoix, y partecipa en un ataque fracasau con muitas victimas, entre ellas William, un d'os soldaus a qui acompanyaba mosén Palmer. Anna ha obteniu un permiso ta actuar chunto con Sprink dabant d'o prencipe Guillén y, en rematar, marchan enta las trincheras ta cantar ta los soldaus. Cuan os escoceses prencipian a cantar cancions nadalencas tanyendo gaitas, Anna y Nikolaus cantan ta los suyos soldaus Stille Nacht, heilige Nacht y los gaiters prencipian a acompanyar-los musicalment. Sprink marcha d'a suya trinchera con un árbol de Navidat en cantando Adeste Fideles, y ixo fa que finalment Audebert, Horstmayer y Gordon se reúnan en tierra de denguno y alcuerden una treugua mientres ixa nueit. Os soldaus franceses, angleses y alemans se troban, y intercambian beliquez, bebidas y birolla, fendo-se mesmo confidencias personals y descubrindo afinidaz con os suyos enemigos. Horstmayer torna a Audebert a suya cartera, que heba perdiu en un ataque, y en a que bi ha una fotografía de su muller que creyeba haber perdiu, y mesmo alcuerdan trobar-se en París malas que remate la guerra. Mosén Palmer fa una misa en latín en a que partecipan toz os soldaus. A lo día siguient, cuan Horstmayer conoix que se ye preparando un bombardeyo d'as trincheras aliadas, convidan a los soldaus aliaus a las suyas propias trincheras ta evitar victimas, y lo mesmo fan os aliaus cuan s'aspera lo bombardeyo como respuesta contra las trincheras alemanas. Tanimientres, bien luego los mandos d'os respectivos exercitos descubren lo que s'ha escaiciu.

Joyeux Noël s'ambienta en 1914 en Francia mientres a Primera Guerra Mundial, y las suyas escenas se filmoron en Rumanía, en Barlin, Brias y atros puestos en o Paso de Calais (Francia), Brandemburgo (Alemanya), Highland en Escocia (Reino Uniu) y en os MediaPro Studios en Bucarest en Rumanía. Localizacions de Joyeux Noël en Internet Movie Database.

Se tracta d'una cinta que ha recibiu cuantos premios y nominacions, en destacando seis nominacions a los Premios César (Millor Cinta, Millor Actor Segundario, Millor Guión Orichinal, Millor Banda Sonora Orichinal, Millor Vestuario y Millor Disenyo de Producción) en 2006 mientres a 31ena edición d'os Premios César; una nominación a lo Premio Oscar a la Millor Cinta Internacional ixe mesmo anyo en a 78ena edición d'os Premios Oscar; una nominación a lo Premio BAFTA a la Millor Cinta Forana tamién en 2006 mientres a 59ena edición d'os Premios BAFTA; y una nominación a lo Premio Globo d'Oro a la Millor Cinta en Luenga Forana en 2006 mientres a 63ena edición d'os Premios Globos d'Oro.

Elenco Joyeux Noël en Internet Movie Database. Actor Papel Notas ''''

Se veiga tamién Cine en 2005. Cintas de 2005.

Referencias

Vinclos externos Joyeux Noël en Internet Movie Database. Joyeux Noël en Box Office Mojo. Joyeux Noël en Metacritic. Joyeux Noël en Rotten Tomatoes.

Categoría:Cintas ambientadas en Francia Categoría:Cintas ambientadas en 1914 Categoría:Cintas con banda sonora orichinal de Philippe Rombi Categoría:Cintas con dirección de fotografía de Walther Vanden Ende Categoría:Cintas con guión de Christian Carion Categoría:Cintas con montache d'Andrea Sedlácková Categoría:Cintas con montache de Judith Rivière Kawa Categoría:Cintas de cine belico Categoría:Cintas de cine de drama Categoría:Cintas d'Alemanya Categoría:Cintas de Belchica Categoría:Cintas de Chapón Categoría:Cintas de Francia Categoría:Cintas d'o Reino Uniu Categoría:Cintas de Rumanía Categoría:Cintas dirichidas por Christian Carion Categoría:Cintas en alemán Categoría:Cintas en anglés Categoría:Cintas en francés Categoría:Cintas en latín Categoría:Cintas en Panavision Categoría:Cintas interpretadas por Alex Ferns Categoría:Cintas interpretadas por Benno Fürmann Categoría:Cintas interpretadas por Bernard Le Coq Categoría:Cintas interpretadas por Christian Carion Categoría:Cintas interpretadas por Christopher Fulford Categoría:Cintas interpretadas por Daniel Brühl Categoría:Cintas interpretadas por Dany Boon Categoría:Cintas interpretadas por Diane Kruger Categoría:Cintas interpretadas por Gary Lewis Categoría:Cintas interpretadas por Guillaume Canet Categoría:Cintas interpretadas por Ian Richardson Categoría:Cintas interpretadas por Lucas Belvaux Categoría:Cintas interpretadas por Mathias Herrmann Categoría:Cintas interpretadas por Neil McNulty Categoría:Cintas interpretadas por Steven Robertson Categoría:Cintas interpretadas por Suzanne Flon Categoría:Cintas interpretadas por Thomas Schmauser Categoría:Cintas producidas por Benjamin Herrmann Categoría:Cintas producidas por Christophe Rossignon Categoría:Cintas rodadas en Barlin Categoría:Cintas rodadas en Brias Categoría:Cintas rodadas en Brandemburgo Categoría:Cintas rodadas en Bucarest Categoría:Cintas rodadas en Highland Categoría:Cintas rodadas en Paso de Calais Categoría:Cintas rodadas en Rumanía Categoría:Cintas de cine sobre a Primera Guerra Mundial Categoría:Nominadas a lo Premio BAFTA a la Millor Cinta Forana Categoría:Nominadas a lo Premio César a la Millor Cinta Categoría:Nominadas a lo Premio Globo d'Oro a la Millor Cinta en Luenga Forana Categoría:Nominadas a lo Premio Oscar a la Millor Cinta Internacional