Last Action Hero (títol orichinal en anglés, en aragonés Zaguer heroi d'acción, estrenada en Aragón con o títol en castellano d'El último gran héroe, en aragonés O zaguer gran heroi) ye una cinta de cine estausunidense de cine de comedia fantastica d'acción estrenada l'anyo 1993, dirichida por John McTiernan seguntes un guión adaptau por Shane Black y David Arnott (basau en una historia de Zak Penn y Adam Leff), con una banda sonora orichinal de Michael Kamen, una dirección de fotografía de Dean Semler, una producción cinematografica de John McTiernan y Steve Roth ta las productoras Columbia Pictures y Oak Productions y un elenco formau por Arnold Schwarzenegger, Austin O'Brien, Charles Dance, Robert Prosky, Tom Noonan, Frank McRae, Anthony Quinn, Bridgette Wilson, F. Murray Abraham, Mercedes Ruehl, Art Carney, Professor Toru Tanaka, Ryan Todd, Jeffrey Braer y Bobbie Brown, entre d'atros actors.
Danny Madigan tien 10 anyos d'edat y vive con su mai Irene, vídua, en una zona periglosa de Nueva York. Troba a faltar a figura paterna y s'adedica tot o que puet a veyer cintas de cine d'acción, mas que mas as protagonizadas por o policía Jack Slater, d'a Policía de Los Angeles. Gosa veyer-las en un viello cine casi que albandonau a on lo suyo propietario, Nick, li deixa veyer-las de contino. Cuan ye amán d'estrenar-se Slater IV, la zaguer cinta d'o suyo policia favorito, Nick li regala una dentrada dorada que diz que heba perteneixiu a Harry Houdini y el convida a veyer la cinta mesmo antes d'o suyo estreno. Pero cuan Danny fa servir a dentrada, se veye transportau a lo mundo ficticio d'a cinta, cayendo en l'auto de Slater en bel meyo d'una persecución policial. Danny preba de convencer a Slater de que son vivindo en un mundo irreal, pero iste se trufa y no el creye. A la vegada, li diz que no ha de confiar en un policía, John Practice, en estar l'actor que mató a Mozart (y que ye l'actor F. Murray Abraham, qui heba interpretau a Antonio Salieri en a cinta Amadeus), y Slater tampoco no li fa caso. Dekker, o chefe de Policia, asigna a Danny como nuevo companyero de Slater ta investigar a Tony Vivaldi, lo chefe d'a Mafia. Danny conduz a Slater a la casa de Vivaldi porque, en haber visto la cinta, sabe a on ye. Astí troban a Benedict, o sicario de Vivaldi, que amás heba asasinau a lo primo segundo favorito de Slater, pero en no tener prebas han de marchar, anque la suya presencia fa que Benedict busque informacions sobre Danny, qui ha demostrau a Benedict conoixer cosas que pareix imposible que conoixese. Danny y Slater consiguen evitar o plan de Benedict, que yera asasinar a Vivaldi ta estar asinas él o chefe, pero lo problema ye que Benedict ha conseguiu a dentrada dorada y ha dentrau en o mundo real. Danny y Slater el persiguen dentrando tamién en o mundo real, conseguindo redotar-lo, pero lo problema ye que Slater ha quedau mortalment feriu porque iste ye un mundo real a on se puet morir, y Danny ha de fer el posible ta que torne enta lo suyo mundo ficticio d'orichen.
A cinta s'ambienta en a suya epoca actual (1993) en as ciudaz de Nueva York (Nueva York) y Los Angeles (California) y las suyas escenas se filmoron en Culver City, Long Beach, Los Angeles y Malibu (California) y Nueva York (Nueva York), amás d'en os Sony Pictures Studios situaus tamién en Culver City. Localizacions de Last Action Hero en Internet Movie Database.
Ye una cinta que ha recibu bels premios y nominacions, encara que en a suya mayor parte se tracta d'os Premios Golden Raspberry.
Elenco Last Action Hero en Internet Movie Database. Actor Papel Notas ''''
Se veiga tamién Cine en 1993. Cintas de 1993.
Referencias
Vinclos externos Last Action Hero en Internet Movie Database.
Categoría:Cintas ambientadas en Los Angeles Categoría:Cintas ambientadas en Nueva York (ciudat) Categoría:Cintas ambientadas en 1993 Categoría:Cintas con banda sonora orichinal de Michael Kamen Categoría:Cintas con dirección de fotografía de Dean Semler Categoría:Cintas con guión de David Arnott Categoría:Cintas con guión de Shane Black Categoría:Cintas con montache de John Wright Categoría:Cintas con montache de Richard A. Harris Categoría:Cintas de cine d'acción Categoría:Cintas de cine de comedia Categoría:Cintas de cine de fantasía Categoría:Cintas d'Estaus Unius Categoría:Cintas dirichidas por John McTiernan Categoría:Cintas en anglés Categoría:Cintas en Panavision Categoría:Cintas en Technicolor Categoría:Cintas interpretadas por Anthony Quinn Categoría:Cintas interpretadas por Arnold Schwarzenegger Categoría:Cintas interpretadas por Art Carney Categoría:Cintas interpretadas por Austin O'Brien Categoría:Cintas interpretadas por Bobbie Brown Categoría:Cintas interpretadas por Bridgette Wilson Categoría:Cintas interpretadas por Charles Dance Categoría:Cintas interpretadas por F. Murray Abraham Categoría:Cintas interpretadas por Frank McRae Categoría:Cintas interpretadas por Jeffrey Braer Categoría:Cintas interpretadas por Mercedes Ruehl Categoría:Cintas interpretadas por Professor Toru Tanaka Categoría:Cintas interpretadas por Robert Prosky Categoría:Cintas interpretadas por Ryan Todd Categoría:Cintas interpretadas por Tom Noonan Categoría:Cintas producidas por John McTiernan Categoría:Cintas producidas por Steve Roth Categoría:Cintas rodadas en Culver City Categoría:Cintas rodadas en Long Beach (California) Categoría:Cintas rodadas en Los Angeles Categoría:Cintas rodadas en Nueva York (ciudat) Categoría:Cintas rodadas en Malibu