Coming 2 America (títol orichinal en anglés, en aragonés Venir 2 America, estrenada en Aragón con o títol en castellano d'El rey de Zamunda, en aragonés O rei de Zamunda) ye una cinta de cine estausunidense de cine de comedia romantica estrenada l'anyo 2021, dirichida por Craig Brewer seguntes un guión adaptau por Barry W. Blaustein, David Sheffield y Kenya Barris (basau en una historia de Barry W. Blaustein, David Sheffield y Justin Kanew con personaches creyaus por Eddie Murphy), con una banda sonora orichinal de Jermaine Stegall, una dirección de fotografía de Joe Williams, una producción cinematografica de Kevin Misher y Eddie Murphy ta las productoras Paramount Pictures, New Republic Pictures, Eddie Murphy Productions y Misher Films y un elenco d'actors d'o cual en fan parte, entre d'atros, Eddie Murphy, Arsenio Hall, Jermaine Fowler, Leslie Jones, Tracy Morgan, KiKi Layne, Shari Headley, Teyana Taylor, Nomzamo Mbatha, Wesley Snipes y James Earl Jones.
Fa 30 anyos d'a voda entre lo prencipe Akeem de Zamunda y l'estausunidense Lisa McDowell y toz dos viven en Zamunda con sus tres fillas. Jaffe Joffer, o pai d'Akeem y rei de Zamunda, li diz que lo país hese amenistau un hereu varón ta evitar as menazas d'o cheneral Izzi, lo dictador d'o país vecino, Nexdoria. A sola solución pareixe estar a voda entra la filla mayor d'Akeem y lo fillo d'o dictador, un personache bien abortolau, pero lo rei explica a Akeem que en o suyo primer viache enta Nueva York fa 30 anyos tenió una relación con una muller d'a cual él no remera muito porque yera drogau, pero que tenió como consecuencia que naixese un fillo borde. Akeem marcha enta Nueva York ta levar-lo a él y a su mai enta Zamunda, pero lo problema ye que ni l'apariencia ni lo comportamiento d'o choven no son masiau prencipescos. Tanimientres, o choven s'enamora d'a peluquera reyal y ista li fa cambiar muitas cosas, dica lo punto que decide tornar enta Nueva York y casar-se-ie con a mesacha. Akeem ha de decidir qué ha de fer, y finalment remera cuál yera lo suyo propio deseyo fa 30 anyadas.
A cinta s'ambienta en a suya epoca actual (2021) en Nueva York (Nueva York) en Estaus Unius y en un país ficticio d'Africa, Zamunda. As suyas escenas se filmoron en Atlanta (Cheorchia), amás d'en os Tyler Perry Studios tamién en Atlanta. Localizacions de Coming 2 America en Internet Movie Database.
Ye una cinta que ha recibiu cuantos premios y ominacions, en destacando una nominación e lo Premio Oscar a lo Millor Maquillache y Peluquería en 2022 mientres a 94ena edición d'os Premios Oscar.
Elenco Coming 2 America en Internet Movie Database. Actor Papel Notas ''''
Se veiga tamién Cine en 2021. Cintas de 2021.
Referencias
Vinclos externos Coming 2 America en Internet Movie Database.
Categoría:Cintas ambientadas en Africa Categoría:Cintas ambientadas en Nueva York (ciudat) Categoría:Cintas ambientadas en 2021 Categoría:Cintas con banda sonora orichinal de Jermaine Stegall Categoría:Cintas con dirección de fotografía de Joe Williams Categoría:Cintas con guión de Barry W. Blaustein Categoría:Cintas con guión de David Sheffield Categoría:Cintas con guión de Kenya Barris Categoría:Cintas con montache de Billy Fox Categoría:Cintas con montache de David S. Clark Categoría:Cintas de cine de comedia Categoría:Cintas de cine de romance Categoría:Cintas d'Estaus Unius Categoría:Cintas dirichidas por Craig Brewer Categoría:Cintas en anglés Categoría:Cintas en Panavision Categoría:Cintas interpretadas por Arsenio Hall Categoría:Cintas interpretadas por Eddie Murphy Categoría:Cintas interpretadas por James Earl Jones Categoría:Cintas interpretadas por Jermaine Fowler Categoría:Cintas interpretadas por KiKi Layne Categoría:Cintas interpretadas por Leslie Jones Categoría:Cintas interpretadas por Nomzamo Mbatha Categoría:Cintas interpretadas por Shari Headley Categoría:Cintas interpretadas por Teyana Taylor Categoría:Cintas interpretadas por Tracy Morgan Categoría:Cintas interpretadas por Wesley Snipes Categoría:Cintas producidas por Eddie Murphy Categoría:Cintas producidas por Kevin Misher Categoría:Cintas rodadas en Atlanta