A chudería de Monzón ye un antigo barrio d'a ciudat de Monzón. Se trobaba situada en o casco antigo, baixo o castiello de Monzón, y estió una d'as mas importants comunidaz chudievas d'a Corona d'Aragón. Rutas de interés. Concello de Monzón.
Descripción A prencipal carrera y eixe vertebrador d'a chudería de Monzón yera l'actual carrera d'Arriba. Teneba una amplaria de siet coudos, lo que permitiba que dos animals cargaus con fardos i podesen trescruzar-se. A muga oriental d'o barrio la marcaban as carreras Cantarero y Huertos. I heba una dentrada enta a plaza de Santa María y unatra enta a carrera del Obispo. Pa salvar o deslivel entre a carrera Mayor d'a ciudat y a chudería i heba carreras transversals con pronunciadas costeras u escaleretas pa puyar-ie como o dito "calliço de las escaleretas". Asinas os chudeoconversos emplegaban a sobén a exprisión "puyar" cuan feban referencia a las suyas vesitas a la chudería. D'istas carreras encara se conserva beluna como a de la Cárcel, la Cuesta u a de Berenguer de Peralta, que posiblement se trobarían zarradas con puertas.
A sinoga se trobaba en a dita ta par d'alavez "platea de la sinoga", una chicota placeta chunto a la parroquia de Santa María.
Historia Os orichens d'a comunidat chuedieva en Monzón se troban en a segunda metat d'o sieglo XII y dende 1289 tenió influyencia en atros lugars menors como Albalat de Cinca, Alcoleya de Cinca, Pomar de Cinca, Estadilla u La Granadella.
Entre os anyos 1397 y 1451 a población d'a chudería de Monzón pasa de 87 a 147 fuegos, ye decir puya un 70%, debiu prencipalment a la inmigración provenient d'atras chuderías como as de Balbastro, Alcanyiz, Fraga u Tamarit. En o momento de mayor grandaria teneba entre 600 y 650 habitants.
Bibliografía Guía de las juderías de Aragón. Un apasionante recorrido por el Aragón judío. Miguel Ángel Motis Dolader. Guías Turísticas Prames.
Referencias
Vinclos externos
La judería de Monzón. Sfarad Un diamante en bruto que transita en el olvido. Alegría de Monzón y Cinca Medio. Barrio judío de Monzón. Blog Impreso en piedra.
Monzón Categoría:Historia de Monzón