Iste ye un articlo sobre una cinta d'aventuras y intriga canado-estausunidense estrenada en 1997; ta atros usos, se veiga The Edge.
The Edge (títol orichinal en anglés, en aragonés O canto, estrenada en Aragón con o títol en castellano d'El desafío, en aragonés O desafío) ye una cinta de cine d'aventuras d'intriga d'acción coproducida por o cine estausunidense y lo cine canadiense y estrenada l'anyo 1997, dirichida por Lee Tamahori seguntes un guión orichinal de David Mamet, con una banda sonora orichinal de Jerry Goldsmith, una dirección de fotografía de Donald McAlpine y una producción cinematografica d'Art Linson ta la suya productora cinematografica Art Linson Productions. Conta con un elenco d'o cual en fan parte, entre d'atros actors, Anthony Hopkins, Alec Baldwin, Harold Perrineau, Elle Macpherson, L.Q. Jones, Kathleen Wilhoite, David Lindstedt, Mark Kiely, Eli Gabay, Larry Musser, Gordon Tootoosis y Kelsa Kinsly.
Charles Morse, un multimillonario estausunidense, plega enta un lugar de vacacions remoto en Alaska con su muller Mickey, una modelo y un equipo de fotografos. Se li fa una fiesta de cumpleanyos a on i veye a Mickey coquetiando con Bob Green, o fotografo chefe. Ta una sesión fotografica quieren contactar con Jack Hawk, un cazador local, y Charles, Bob y Stephen (l'asistent de Bob) marchan en una avioneta camín d'o lugar a on se i troba Jack ta charrar con él, pero tienen un accident con una bandada d'aus y l'avión caye en un laco, morindo lo piloto. Charles, Bob y Stephen plegan enta l'oriella d'o laco. Pasan ixa nueit en o puesto pero de maitín marchan enta lo sud. Troban un gran onso Kodiak que los persigue, y en a persecución Bob salva a Charles, cosa que li fa dubdar a iste sobre lo suyo pensamiento anterior de que quereba matar-lo ta conseguir a Mickey. Descubren que han caminau tot o día en cerclo, tornando de nuevo enta lo lugar de l'accident, y ixa nueit Stephen se fiere en una garra. De nueit l'onso ha odorau a sangre d'a ferida y i plega, devorando a Stephen. Charles y Bob consiguen fuyir pero bien luego Charles para cuenta de que l'onso els perseguirá de contino y de que la suya sola posibilidat de supervivencia ye matando-lo. Consiguen matar a l'onso, pero ixa mesma nueit Charles decubre que sí, que Mickey l'ha enganyau con Bob y que iste planeya asasinar-lo.
A cinta s'ambienta en a suya epoca actual (1997) en Alaska en os Estaus Unius; y las suyas escenas se filmoron en Canmore, Edmonton, o Parque Nacional Banff y en atros puestos d'Alberta, y en Golden, o Parque Nacional Yoho y atros puestos de Columbia Britanica en Canadá, amás d'en os Allarcom Studios tamién en Edmonton. Localizacions de The Edge en Internet Movie Database.
The Edge ye una cinta que ha recibiu bellas nominacions a bel premio, pero no a garra premio que fese parte d'o conchunto de premios mas conoixius u destacaus d'o panorama cinematografico internacional.
Elenco The Edge en Internet Movie Database. Actor Papel Notas ''''
Se veiga tamién Cine en 1997. Cintas de 1997.
Referencias
Vinclos externos The Edge en Internet Movie Database.
Categoría:Cintas ambientadas en Alaska Categoría:Cintas ambientadas en 1997 Categoría:Cintas con banda sonora orichinal de Jerry Goldsmith Categoría:Cintas con dirección de fotografía de Donald McAlpine Categoría:Cintas con guión de David Mamet Categoría:Cintas con montache de Neil Travis Categoría:Cintas de cine d'acción Categoría:Cintas de cine d'aventuras Categoría:Cintas de cine d'intriga Categoría:Cintas de Canadá Categoría:Cintas d'Estaus Unius Categoría:Cintas dirichidas por Lee Tamahori Categoría:Cintas en anglés Categoría:Cintas en Color by DeLuxe Categoría:Cintas en Panavision Categoría:Cintas interpretadas por Alec Baldwin Categoría:Cintas interpretadas por Anthony Hopkins Categoría:Cintas interpretadas por David Lindstedt Categoría:Cintas interpretadas por Eli Gabay Categoría:Cintas interpretadas por Elle Macpherson Categoría:Cintas interpretadas por Gordon Tootoosis Categoría:Cintas interpretadas por Harold Perrineau Categoría:Cintas interpretadas por Kathleen Wilhoite Categoría:Cintas interpretadas por Kelsa Kinsly Categoría:Cintas interpretadas por L.Q. Jones Categoría:Cintas interpretadas por Larry Musser Categoría:Cintas interpretadas por Mark Kiely Categoría:Cintas producidas por Art Linson Categoría:Cintas rodadas en Alberta Categoría:Cintas rodadas en Canmore Categoría:Cintas rodadas en Columbia Britanica Categoría:Cintas rodadas en Edmonton Categoría:Cintas rodadas en Golden (Columbia Britanica)