Iste articlo ye sobre una cinta de comedia dramatica estausunidense de l'anyo 1989; ta atros usos, se veiga Driving Miss Daisy (desambigación).
Driving Miss Daisy (títol orichinal en anglés, en aragonés En paseyando a Miss Daisy, estrenada en Aragón con o suyo títol traduciu enta lo castellano como Paseando a Miss Daisy) ye una cinta de cine estausunidense de cine de comedia dramatica estrenada l'anyo 1989, dirichida por Bruce Beresford seguntes un guión adaptau por Alfred Uhry (basau en a obra teatral Driving Miss Daisy d'Alfred Uhry de l'anyo 1987), con una banda sonora orichinal de Hans Zimmer, una dirección de fotografía de Peter James, una producción cinematografica a lo cudiau de Richard D. Zanuck y Lili Fini Zanuck ta la suya productora cinematografica The Zanuck Company, y un elenco formau por, entre d'atros actors, Morgan Freeman, Jessica Tandy, Dan Aykroyd, Patti LuPone, Esther Rolle, Joann Havrilla, William Hall Jr., Muriel Moore, Sylvia Kaler y Crystal R. Fox.
Daisy Werthan ye una muller chueva de 72 anyadas, vidua y en a retreta d'o suyo antigo treballo de mayestra, que en l'anyo 1948 vive sola en a suya casa d'Atlanta (Cheorchia) con l'aduya nomás que d'Idella, una viella criada afroamericana que i viene cada día enta la suya casa. Cuan fica lo suyo Chrysler Windsor en o chardín d'o suyo vecino y padeixe grans danyos l'auto, su fillo Boolie, de 40 anyos d'edat, li compra un Hudson Commodore y amás contracta a Hoke Colburn, un chofer tamién afroamericano de 60 anyos ta que lo li conduzca, en considerar que lo risgo de que conduzca su mai ye elevau. Encara que la sinyora Daisy en primeras se niega a acceptar disposar d'un chofer, a la fin prencipia a acceptar-lo, encara que con bels problemas en os primers tiempos. A moniquet prencipia a naixer a confianza d'a sinyora Daisy en Hoke, dica lo punto que cuan muere Idelia Daisy decide no contractar a garra cocinera y deixar que Hoke sía a lo cudiau d'a cocina. Cuan a sinoga de miss Daisy padeixe un atentau racista ella tamién para cuenta de que padeixe tamién racismo, mesmo que Hoke, y asiste a un miting de Martin Luther King Jr., encara que poquet a poquet prencipian a apareixen sintomas de demencia senil en ella.
A cinta s'ambienta en Atlanta (Cheorchia) mientres oa anyos 1940, 1950, 1960 y 1970; y las suyas escenas se filmoron en Atlanta, Decatur y Griffin (Cheorchia) en os Estaus Unius. Localizacions de Driving Miss Daisy, en Internet Movie Database.
Driving Miss Daisy ye una cinta que ha recibiu cuantismos premios y nominacions, en destacando cuatre Premios Oscar en 1990 mientres a 62ena edición de ditos premios (Millor Cinta, Millor Actriz, Millor Guión Adaptau y Millor Maquillache) amás d'atras cinco nominacions (Millor Actor, Millor Actor Segundario, Millor Dirección Artistica, Millor Disenyo de Vestuario y Millor Montache); un Premio BAFTA a la Millor Actriz y atras tres nominacions (Millor Cinta, Millor Director y Millor Guión Adaptau) en 1991 mientres a 44ena edición d'os Premios BAFTA; un Premio David de Donatello a la Millor Actriz Forana tamién en 1990 mientres a 35ena edición d'os Premios David de Donatello; y tres Premios Globos d'Oro en 1990 en a 47ena edición d'os premios (Millor Cinta de Musical u Comedia, Millor Actor de Musical u Comedia y Millor Actriz de Musical u Comedia).
Elenco Driving Miss Daisy en Internet Movie Database. {|class="wikitable sortable" style="font-size: 90%;"
! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas
| ''
Se veiga tamién Cine en 1989. Cintas de 1989.
Referencias
Vinclos externos Driving Miss Daisy en Internet Movie Database. Driving Miss Daisy en l'American Film Institute Catalog de l'American Film Institute''. Driving Miss Daisy en Rotten Tomatoes. Driving Miss Daisy en Box Office Mojo.
Categoría:Cintas ambientadas en Atlanta Categoría:Cintas ambientadas en os anyos 1940 Categoría:Cintas ambientadas en os anyos 1950 Categoría:Cintas ambientadas en os anyos 1960 Categoría:Cintas ambientadas en os anyos 1970 Categoría:Cintas con banda sonora orichinal de Hans Zimmer Categoría:Cintas con dirección de fotografía de Peter James Categoría:Cintas con guión d'Alfred Uhry Categoría:Cintas con montache de Mark Warner Categoría:Cintas de cine de comedia Categoría:Cintas de cine de drama Categoría:Cintas d'Estaus Unius Categoría:Cintas dirichidas por Bruce Beresford Categoría:Cintas en anglés Categoría:Cintas en hebreu Categoría:Cintas en Panavision Categoría:Cintas en Technicolor Categoría:Cintas interpretadas por Crystal R. Fox Categoría:Cintas interpretadas por Dan Aykroyd Categoría:Cintas interpretadas por Esther Rolle Categoría:Cintas interpretadas por Jessica Tandy Categoría:Cintas interpretadas por Joann Havrilla Categoría:Cintas interpretadas por Morgan Freeman Categoría:Cintas interpretadas por Muriel Moore Categoría:Cintas interpretadas por Patti LuPone Categoría:Cintas interpretadas por Sylvia Kaler Categoría:Cintas interpretadas por William Hall Jr. Categoría:Cintas producidas por Lili Fini Zanuck Categoría:Cintas producidas por Richard D. Zanuck Categoría:Cintas rodadas en Atlanta Categoría:Cintas rodadas en Decatur (Cheorchia) Categoría:Cintas rodadas en Griffin (Choerchia) Categoría:Nominadas a lo Premio BAFTA a la Millor Cinta Categoría:Premio Globo d'Oro a la Millor Cinta de Musical u Comedia Categoría:Premio Oscar a la Millor Cinta