O gripión () ye una especie de sirpient d'o chenero Vipera y d'a familia Viperidae.
Descripción Ye una gripia de grandaria mediana, en comparanza con atras especies europeas, con un tozuelo gran y o morro aplastau u lucherament devantau. A coda ye chicota (10-15 % d'o total). Os adultos pueden plegar ta os 70-75 cm de largaria total, pero por un regular son entre os 45 y 58 cm. Ye una especie muit polimorfica, con una variación individual y cheografica notable.
Distribución y habitat Distribución A suya aria de distribución ocupa o norte y nord-ueste d'a peninsula Iberica dende Galicia y o estremo norte de Portugal dica Navarra. Encara que a suya distribución s'estendilla bels pocos kilometros por arias muit localizadas d'o estremo sud-ueste de Francia, ista especie se considera un endemismo iberico. La Víbora de seoane - Vipera seoanei. Lataste, 1879. L'aria de distribución ye prencipalment parapatrica con a distribución d'as atras gripias ibericas (V. latastei y V. aspis), lo que ye un patrón tipico d'os viperidos europeus.
A subspecie cantabrica se distribuye por a metat norte de Leyón, sud-ueste d'Asturias y sud-este de Galicia a una altaria meya de 800-1000 m sobre o livel d'a mar. Por a suya parti a forma nominal (Vipera seoanei seoanei) s'estende dende o estremo norte de Portugal por dencima d'o río Duero dica Navarra y o estremo sud-ueste d'o Pireneu francés, y l'altaria meya a on habita ye de 600 m encara que puet trobar-se dende 0 dica 1600 m sobre o livel d'a mar.
Habitat L'habitat caracteristico de V. seoanei ye homochenio en toda a suya aria de distribución, ocupando selvas ubiertas y humidas de Quercus robur y Quercus pyrenaica, zonas de trobada entre selvas y praus y arias con a saber-la vechetación basal que permitan l'actividat de termorregulación. Igual que a mayoría de viperidos europeus habita por un regular en puestos a on predominan as felegueras, ya que ista mena de planta favoreixe o suyo camuflache.
Existen bellas diferencias apreciables en as preferencias d'as dos subspecies. A V. seoanei cantabrica s'estima d'habitar puestos menos humidos, mas amanaus a o mont mediterranio, con predominio de robres y biércols, mientres V. Seoanei seoanei esliche zonas de mayor humidat.
Referencias
Seoanei Categoría:Fauna d'Espanya Categoría:Fauna de Francia Categoría:Fauna de Portugal Categoría:Fauna d'os Pireneus