Kathleen Turner (Mary Kathleen Turner), naixida de Springfield (Missouri, Estaus Unius) o 19 de chunio de 1954, ye una actriz estausunidense, activa en o cine estausunidense dende meyaus d'os anyos 1970 y que ha recibiu cuantos premios y nominacions mientres a suya carrera cinematografica.
D'entre la suya filmografía como actriz, pueden destacar-se bellas cintas a on i ha treballau, como The Man with Two Brains (1983, Carl Reiner), Romancing the Stone (1984, Robert Zemeckis), Prizzi's Honor (1985, John Huston), The Jewel of the Nile (1985, Lewis Teague), Peggy Sue Got Married (1986, Francis Ford Coppola), The War of the Roses (1989, Danny DeVito), House of Cards (1993, Michael Lessac), Love and Action in Chicago (1999, Dwayne Johnson-Cochran), Prince of Central Park (2000, John Leekley), Dumb and Dumber To (2014, Peter Farrelly y Bobby Farrelly), u The Estate (2022, Dean Craig).
Premios Premios Oscar En 1987, mientres a 59ena edición d'os Premios Oscar, Kathleen Turner fue nominada a lo Premio Oscar a la Millor Actriz por o suyo papel de "Peggy Sue Kelcher-Bodell" en a cinta Peggy Sue Got Married, dirichida por Francis Ford Coppola.
Premios BAFTA En 1983, en a 36ena edición d'os Premios BAFTA, fue nominada a lo Premio BAFTA a la Millor Estrela Emerchent por o suyo papel de "Matty Walker" en a cinta Body Heat, dirichida por Lawrence Kasdan.
Premios David de Donatello En a 35ena edición d'os Premios David de Donatello, escaicida en l'anyo 1990, recibió una nominación a lo Premio David de Donatello a la Millor Actriz Forana por a suya interpretación d'o personache de "Barbara Rose" en a cinta The War of the Roses, dirichida por Danny DeVito.
Premios Globos d'Oro En os Premios Globos d'Oro, ha ganau dos y ha estau nominada amás atras tres vegadas.
Ha ganau dos vegadas en a mesma categoría, lo Premio Globo d'Oro a la Millor Actriz de Musical u Comedia: en 1984 en a 42ena edición por o suyo papel de "Joan Wilder" en Romancing the Stone, dirichida por Robert Zemeckis; y l'anyo siguient, 1985, en a suya 43ena edición, por o suyo papel d'"Irene Walker" en a cinta Prizzi's Honor, dirichida por John Huston.
D'as suyas tres nominacions, dos n'estioron a ista mesma categoría, lo Premio Globo d'Oro a la Millor Actriz de Musical u Comedia: en 1987 en a 44ena edición d'os premios por a suya interpretación de "Peggy Sue Kelcher-Bodell" en a cinta Peggy Sue Got Married, que heba dirichiu Francis Ford Coppola; y en l'anyo 1990 en a 47ena edición, por o suyo papel como "Barbara Rose" en a cinta The War of the Roses, dirichida por Danny DeVito.
A suya tercera nominación l'heba estau a lo Premio Globo d'Oro a la Millor Estrela Emerchent Femenina, en l'anyo 1983 mientres a 40ena edición d'os Globos d'Oro, por o papel de "Matty Walker" en a cinta Body Heat, dirichida por Lawrence Kasdan, estando ista la zaguer vegada que se concedió ista categoría.
Filmografía Kathleen Turner en Internet Movie Database. Cintas Anyo Títol d'a cinta Director Banda sonora Elenco Atros [ ''''] en Internet Movie Database.
Series de televisión Serie Anyo Episodio Director Elenco Atros<ref> [ ''] en Internet Movie Database.</ref> | | '' [ ''''] en Internet Movie Database.
Referencias
Se veiga tamién Cintas interpretadas por Kathleen Turner.
Vinclos externos
Pachina web oficial. Kathleen Turner en Internet Movie Database. Kathleen Turner en Internet Broadway Database. Kathleen Turner en Discogs.
Categoría:Actrices d'Estaus Unius Categoría:Alumnos d'a Universidat Estatal de Missouri Categoría:Alumnos d'a Universidat de Maryland en o condau de Baltimore Categoría:Naixius de Springfield (Missouri) Categoría:Nominadas a lo Premio David de Donatello a la Millor Actriz Forana Categoría:Nominadas a lo Premio Globo d'Oro a la Millor Actriz de Musical u Comedia Categoría:Nominadas a lo Premio Globo d'Oro a la Millor Estrela Emerchent Femenina Categoría:Nominadas a lo Premio Oscar a la Millor Actriz Categoría:Nominaus a lo Premio BAFTA a la Millor Estrela Emerchent Categoría:Premio Globo d'Oro a la Millor Actriz de Musical u Comedia Categoría:1954 (naixencias)