Sarllé (Cerler en castellano y catalán) ye un lugar aragonés de la vall de Benás, en la comarca de Ribagorza con una población d'alto u baixo 250 habitants; administrativament, perteneixe a lo municipio de Benás.
Con 1.540 metros d'altaria, ye lo lugar mas alto de lo Pireneu aragonés, y se troba a una distancia de 150 km de la ciudat de Uesca, a capital de la suya provincia. I ha numerosas casas nobles de lo sieglo XVI y bellas construccions d'epocas anteriors.
Fiestas Sarllé celebra las suyas fiestas patronals lo 10 d'agosto (Sant Lorient) y lo 29 d'abril (Sant Per Mártir).
Demografía
Estación d'esquí Sarllé ye conoixito por tener la estación d'esquí mas alta de los Pireneus, Aramón Cerler. Ista estación tien la suya cota minima en 1.500 metros y la maxima en 2.630 metros, con una superficie total de 13'4 km².
Parla
En Sarllé se charra l'aragonés benasqués, tamién conoixito como patués y dentro de l'aragonés benasqués la parla local de Sarllé ye en la zona A chunto con la parla de Benás, Ansils, Grist y Saúnc.
Toponimia Lo toponimo Sarllé probablement provienga de l'aragonés ciller, cillero, almagacén de grano, como en catalán celler, "bodega"; estando Sarllé a pronunciación local, con una -r final que no se pronuncia y un seseyo d'a c, z tipico de l'aragonés benasqués. En la vall de Bardaixín, on l'ribagorzano no tien seseyo, se i diz Cerllé. En lo Fogache de 1495 s'escribiba Cerle.
Referencias
Vinclos externos
Estación d'esquí. Pachina web de Sarllé y a vall de Benás.
Categoría:Lugars de Benás Categoría:Localidaz d'Aragón con fiestas patronals ta sant Lorient Categoría:Localidaz d'a diocesi de Balbastro-Monzón en Ribagorza