A zebra comúnCon a variant ortografica cebra común ( (Boddaert, 1785)) ye la mas abundant de todas as especies de zebras. Se troba dende Etiopia dica Angola por o sud. Fue cazada por a suya carne y por o suyo cuiro, cosa que ne fizo minguar lo numero d'animals. Huei ye encara común en muitas reservas.
A zebra común ye de tamanyo meyanero, con o cuerpo amplo y las patas relativament curtas. Os adultos d'os dos sexos han una altura de 1,4 m y una lonchitut de 2,3 m, con bels 240 kg de peso. Mesmo que todas as zebras, os suyos cuerpos estan cobiertos de rayas blancas y negras a color y distribución d'as cuals ye unica de cada individuo. Actualment, se'n conoixe tres subspecies, antimás de dos que ya son desapareixidas. Todas tienen franchas verticals en a parte debantera d'o cuerpo, as cuals se'n tornan de mas horizontals asinas s'amanan pa la parte posterior. As subspecies mas nortencas han as franchas mas definidas y finas, mientres que las variedaz d'o sud las han mas variadas pero esparzas en a parte baixa d'o cuerpo, patas y cuixas.
D'as especies conoixidas, a primera que fue descrita ya s'ha extinguiu: A cuaga, que teneba toda la parte mas zaguera d'o cuerpo de color marrón, sin de rayas. thumb|left|200px|Una zebra de Grant paixentando-se en un prau. As zebras comuns son animals muito socials que s'apaixentan en rebanyos en do que lo líder ye siempre un masto adulto, y chuntado con bellas fembras y las crías suyas, forman una estructura estable que manimenos varía seguntes a comunidat y lo ecosistema. Cuan mas chicos son os campos u mas seca ye la hierba, mas chicoz se fan os grupos. D'a mesma traza, cuan os campos bi han verdura las zebras pueden achuntar-se en grans rebanyos que a ormino tamién incluyen altros animals como nyus u antilops.
As zebras comuns no precisan de hierba tan verde como los remugants, y a ormino están as primeras en plegar ta los puestos en dó la hierba ye altera u viella, y cuan la han minchata tota, os altros animals pueden pasar.
As zebras comuns solen pasar as nueiz en campo ubierto pa veyer-se venir os predadors. Como fan os caballos, estas zebras fan turnos pa dormir y asinas vichilan de no quedar-se adurmiertas por si venise garra enemigo.
Subspecies Equus quagga quagga u cuaga. Equus quagga burchellii u zebra de Burchell. Equus quagga boehmi u zebra de Grant. Equus quagga borensis u zebra de Selous. Equus quagga chapmani u zebra de Chapman. Equus quagga crawshayi u zebra de Crawshay.
Imáchens
Vinclos externos
Notas
Referencias
Quagga Categoría:Fauna d'Africa