Alexandra Jiménez Arrechea ye una actriz aragonesa, naixida de Zaragoza (Comarca Central) o 4 de chinero de 1980.
Dimpués d'emprencipiar bien choven a estudiar ballet en o "Estudio de Danza María de Ávila" de Zaragoza y lo Real Conservatorio Profesional de Danza de Madrit, tornando-se bailarina profesional dica los 15 anyos, Alexandra sofrió una lesión en o piet dreito y decidió d'albandonar o ballet y adedicar-se a l'arte dramatico. Fació estudios d'interpretación en a Escuela Superior de Artes Escénicas y Espectáculos de Madrit, encomenzando a compachinar ya en o segundo curso a suya formación con bella intervención en series televisivas como Policías, en el corazón de la calle, Periodistas u Compañeros.
Manimenos, o papel que la ferá conoixida tal o publico ye lo d'África, a sofrida y cinica companyera de Raúl y amiga d'Eva en a serie de televisión Los Serrano de Telecinco. Tamién ha participau en a serie Tres son multitud, como Valeria, amás de fer de colaboradora en o programa Alerta 112.
En a gran pantalla, ha treballatucomo Trini en a cinta de Manuel Sanabria, La fiesta. Ha participau en bels curtometraches: con o papel de misacha gángster en Low Bat (2002), como Isabel en Demonios de corta vista (2004), El mono de Hamlet (2004), A Mario (2004) y Anillos de Saturno (2001), que li mereixió una Mención Especial a la Millor Actriz.
En teatro, ha actuau prencipalment en: Fin del mundo, todos al tren (Alberto Millares, 2002), Los menecomos (Roberto Cerdá, 2002), Siete por siete (Fermín Cabal, 2003) y 5mujeres.com (2004).
Tamién ha feito de modelo ta las colecions "Kangaroos" (primavera-verano de 2005) y "Bossini" (agüerro-hibierno 2004-2005), en ista chunto con Alejo Sauras.
Se veiga tamién Cintas interpretadas por Alexandra Jiménez.
Vinclos externos
Alexandra Jiménez en Internet Movie Database. Pachina oficial. Sitio oficial d'a serie Los Serrano.
Categoría:Actrices d'Aragón Categoría:Naixius de Zaragoza Categoría:1980 (naixencias)