Este articlo tracta sobre lo lugar de Pruiquimat u Pueyo d'Esera. P'atros emplegos de los toponimos Pueyo y Pui se veigan Pueyo (desambigación) y Pui (desambigación).
Pruiquimat, (pronunciau /prui-ki-'ma/, en aragonés orichinal Pueyo d'Esera, en idioma castellano Puycremat) ye un lugar de Ribagorza situau a 9 km de Graus, perteneixient a este municipio. Huei ye despoblau.
Toponimia Lo toponimo Pruiquimat se pronuncia /Pruiquimá/ en baixo-ribagorzano. Antigament se dició Pueyo d'Esera (1208); pero cambió ta Puy d'Esera y Puy Cremat, seguntes se vei en una mención de 1428: Grostan es sus aldeas, y es a saber Puy d'Esera alias, Puycremat. La forma Puycremat s'escribió tamién con grafía catalana, Puig Cremat (1339, 1359), chunto u deseparau. Carlos Ángel Rizos Jiménez Toponimia de la Baja Ribagorza Occidental. Universitat de Lleida, 2005. La forma Puycremat cambió ta las formas actuals con metatesi, confusión de e por i y perda de -t final: Puy Cremat > Pruy quemat > Pruiquimá.
En la zona atra variant de lo nombre ye Pruquemá, que sintió Jean-Joseph Saroïhandy en 1896 a un grausino. La perda de la -t final en participios lexicalizaus se vei en baixo-ribagorzano (forá en estadillano d'antismás en cuenta de forat). La -t final etimolochica s'escribe, igual que se fa en atras palabras, encara que no se pronuncie.
Molimentos Ilesia romanica.
Referencias
Categoría:Lugars de Graus Categoría:Despoblaus d'a provincia de Uesca Categoría:Localidaz d'a diocesi de Balbastro-Monzón en Ribagorza