Bara ye un lugar d'a provincia de Uesca situato en o municipio de Samianigo, en l'Alto Galligo.
Situata chunto a la sierra de Guara, y a val d'o río Alcanadre, l'acceso se fa dende Nocito, por una pista forestal.
O lugar de Bara ye dividito en dos vicos a on pueden veyer-sen buenos eixemplos d'arquitectura popular con as tradicionals chamineras y os escudos heraldicos en as fronteras d'as casas. Destacata ye casa Periela d'os sieglos XVI y XVII con as suyas finestras decoratas. A suya ilesia parroquial ye romanica, pero fue remodelata en o sieglo XVIII. Atra construcción important ye o suyo molín farinero que se troba auguas entalto de l'Alcanadre.
Apareixe en documentos de 1091, y ya en 1495 teneba ueito fuegos. Peteneixen a lo termin de Bara as pardinas de Betalilla y Os Melons, ista zaguera una antiga necropoli medieval.
Demografía
Fiestas Sant Per Apóstol, o 29 de chunio
Categoría:Lugars de Samianigo Categoría:Lugars d'a provincia de Uesca Categoría:Localidaz d'a diocesi de Uesca en l'Alto Galligo