Sant Chusé (en castellano San José) ye un districto de Zaragoza (Aragón). Muga con os districtos de Centro, Universidat, Torrero-A Paz y Las Fuents.
Tien una densidat de población de 17.937,104 habitants/km2.
Servicios A dos prencipals avenitas d'o barrio son l'Avenida de Sant Chusé y l'Avenida Tenor Fleta a on se concentran a mayor parti d'os suyos servicios.
Os parques de Miraflors y d'a Memoria forman as zonas verdas d'iste barrio.
Historia thumb|left|220px|L'Avenida de Sant Chusé. O nombre d'o barrio de Sant Chusé procede d'un convento con o nombre d'ixe santo construito en l'Avenida de Sant Chusé. Ista avenida comunicaba Torrero con o centro de Zaragoza.
O ferrocarril de Vía Estreita d'Utriellas s'inauguró a prencipios d'o sieglo XX, a gara yera situada en o barrio y teneba un emplego principalment menero.
A zona de Miraflors-Montemolín yera un aria agricola desalpartata d'a ciudat por o río Uerba.
En 1932 se sola l'avenida de Sant Chusé y en 1945 un nuevo tramvía comunica o barrio con a ciudat. O mayor creiximento d'o barrio se produce en a decada d'as anyatas sisanta cuan arriban a o barrio inmigrants procedents de comarcas rurals d'Aragón. Tamién s'ubre a o trafico l'Avenida Tenor Fleta que comunica o barrio con o centro.
Mugas thumb|200px|Mapa d'o districto Seguntes os plans censals d'o Concello de ZaragozaPlan Censal Districto 5. San Chusé as mugas d'o districto son:
A o norte, con o districto Centro muga o Camín de Las Torres, l'Avenida Tenor Fleta, l'Avenita Cesáreo Alierta y l'Avenida de Sant Chusé y con o Casco Antigo muga o Camín de Las Torres. A l'este, con Las Fuents mugan l'Avenita Cesáreo Alierta y a Carrera Miguel Servet. A o sud, con Torrero-A Paz muga a Canal Imperial d'Aragón. A l'ueste, con o districto Universidat mugan os Paseyos Sagasta y Cuéllar.
Fiestas 25 d'agosto se celebran as fiestas en honor a Sant Chusé de Calasanz
Vinclos Ligallo de vecíns de Sant Chusé
Referencias
Categoría:Districtos de Zaragoza