Pero López de Luna y Ximénez d'Urreya, naixiu de Figueruelas en anyo desconoixiu, morió lo 22 de febrero de 1345 tamién en Figueruelas, estió un relichioso catolico aragonés que estió lo zaguer bispe y primer arcebispe de Zaragoza, entre 1315 y 1345. Ye .
Estió abate primero, dimpués canonche de la Seu de lo Salvador de Zaragoza, plegó a bispe lo 26 de marzo de 1317, y Chaime II d'Aragón li encargó que la seu metropolitana de Zaragoza s'independizase de la Tarraconense. Lo nombroron arcebispe de l'Archidiocesi de Zaragoza en 1318. Tamién estió consellero reyal.
Lo 9 de setiembre de 1321, se trobaba en lo castiello de Val de Robres recibindo a los suyos vasallos de Mazalión y aprobando los suyos privilechios, costumbres y usanzas.
Consiguió pa los suyos vasallos de la Tenencia de Penya d'Aznar la Gaya u de Val de Robres que lo rei Chaime II d'Aragón lis atorgase lo privilechio de la exempción d'impuestos de peache, lezda, peso, pesache, mesura, portazgo y ribache pa cutio.
Mientres lo suyo mandato se fundó la capellanía perén de Foz Espalda. En lo suyo arcebispau se costruyó la ilesia de Val de Robres, y i podemos veyer lo suyo escudo d'armas en la suya tribuna. Lo suyo escudo tamién ye en lo portal de Sant Gregorio de Beceit.
Bibliografía Enrique Puch Foncuberta: "Las obras de los arzobispos de Zaragoza en la iglesa y el castillo". Programa de fiestas de Val de Robres de 1994.
Vinclos externos Pedro López de Luna y Ximénez de Urrea en a pachina web d'a Gran Enciclopedia Aragonesa. Ficha en www.catholic-hierarchy.org
Categoría:Arcebispes de Zaragoza Categoría:Arcebispes d'Aragón Categoría:Bispes de Zaragoza Categoría:Bispes d'Aragón Categoría:Casa de Luna Categoría:Nobles d'Aragón Categoría:Naixius de Figueruelas Categoría:Muertos en Figueruelas Categoría:1345 (muertes)