Sorripas ye un lugar d'a provincia de Uesca situau en o municipio de Samianigo, en a comarca de l'Alto Galligo y partiu chudicial de Chaca.
Cheografía Ye en a marguin dreita d'o Galligo, en frent de Senegüé a bels 500 metros, baixo la punta Güé. D'antis mas formaba municipio con o debantdito lugar vecín.
Historia Seguntes Agustín Ubieto Arteta, a primera cita d'o lugar ye en 1036, en a obra d'Eduardo Ibarra y Rodríguez Documentos correspondientes al reinado de Ramiro I (1034-1063), en Colección de documentos para el estudio de la Historia de Aragón, Zaragoza (1904). Ubieto Arteta, Agustín: Toponimia aragonesa medieval, Valencia, 1972
Toponimia As primeras citas, con as formas Sorripas, Sorripis, Surripas, Subripas, Sorribas, Corribas de Super, Super Ripas, Subribas y Subtus Ribas.
O toponimo Sorripas ye facilment interpretable por a presencia d'o prefixo so-, visible en muitos toponimos. Significa "baixo as ripas".
Economía En 1994 s'instaló entre Sorripas y Senegüé una fabrica de siero fisiolochico de Bieffe Medital.
Población Sorripas y Senegüé teneban chuntos 229 habitants a mitat d'o sieglo XIX.
Molimentos Destaca en a suya arquitectura popular casa Miguelperiz, en a dentrata d'o lugar. Atras casas interesants son casa Carpintero y casa Biota.
Referencias
Categoría:Lugars de Samianigo Categoría:Lugars d'a provincia de Uesca Categoría:Localidaz d'a diocesi de Chaca en l'Alto Galligo