Torrero-La Paz ye un districto de Zaragoza (Aragón). Ye dividito en dos barrios: Torrero y La Paz. Ye situato en a parti sud d'o municipio de Zaragoza y muga con os districtos de Casablanca, Universidat, Sant Chusé y Las Fuents y a lo sud con os municipios de Cuart de la Uerba, María de la Uerba, Cadret, Val Madriz y Mediana d'Aragón.
En Torrero i heba una garchola que se destacó como a mas dura en a represión que siguió a la Guerra Civil Espanyola.
Historia left|180px|thumb|Mapa d'o districto O barrio naixe cuan empecipian a arribar os primers habitants con a construcción d'o fosal en 1834. A primers d'o sieglo XX a prencipal fuent d'economía d'o barrio yeran as chesas, situada en iste barrio, que en ixa epoca yera clamato de Venecia por a canal.
S'ha dito que lo nombre d'a Plaza de las Canteras proviene d'as chesas (cantera ye como se diz "pedrera" en castellano), u d'una fabrica de cheso feba servir un ferrocarril que iba a las "canteras". Callejero. Historia de las calles de Zaragoza. Diario 16 Aragón y Concello de Zaragoza, Zaragoza. p 55. Manimenos en o sieglo XV bi heba una partida dita Las Canteras en l'antigo termin de Mozarrifal regau con La Uerba, María Isabel Falcón Pérez: Zaragoza en el siglo XV. Editor: Institución Fernando el Católico, 1981, p 133. y sería un toponimo derivau d'o significau de cantera en l'antigo aragonés local.
Unatro feito important estió a construcción d'a garchola provincial en 1928. Torrero se convertió en un barrio d'acullida d'emigrants d'a postguerra y en trenta anyadas pasó de 1.200 a 12.000 viviendas.
O barrio de La Paz, situato en a parti este de Torrero, naixió a metat d'os anyos cuaranta. Entre os suyos primers habitants bi heba muitos andaluces. O nombre d'o barrio se debe a lo pai don Emilio Pérez Vidal, mosen que cedió cuantos terrenos en os que se construyioron casetas, que se dividían en trestallas. Dende os anyos cincuanta y dica 1978 mas de cient familias chitanas pobloron a zona d'o barrio conoixida como Las Graveras, a lo norte d'o barrio chunto a la canal. Actualment se troba en ista zona o parque d'a Paz.
Esporte O fútbol ye representato por a Club Deportivo Giner Torrero.
Referencias
Categoría:Districtos de Zaragoza