Bogotá ye una ciudat de Colombia, capital d'ixe país y situata en o suyo centro y en plena cordelera d'os Andes. A ciudat tien una superficie de 1.587 km², una población de 6.778.691 habitants (ye a ciudat con mayor numero d'habitants de Colombia) y una densidat de población de 22.593 hab/km². Amás d'estar a capital de Colombia, ye o prencipal centro economico y cultural d'o país, y en fan parte 20 localidaz. Mientres o gubierno colonial espanyol (y tamién dende 1991 dica 2000) recibiba o nombre de Santafé de Bogotá.
En estar a capital, en Bogotá se i troban as seus d'os tres poders que conforman un estato, seguntes as teorías d'a división de poders: d'o poder executivo (a dita Casa de Nariño), d'o poder lechislativo (o Congreso Nacional de Colombia) y d'o poder chudicial (a Cort Suprema de Chusticia de Colombia, a Cort Constitucional de Colombia, o Consello d'Estato de Colombia y o Consello Superior d'a Chudicatura).
Dende o punto d'anvista economico, Bogota aporta o 24,5% d'o Producto Interior Bruto de Colombia, seguntes o Departamento Administrativo Nacional de Estadística, Contribución por regiones, áreas metropolitanas y ciudades. estando asinas a ueitena ciudat d'America Latina por o suyo PIB.
Etimolochía O nombre d'a ciudat tien o suyo orichen en a palabra Bacatá, que yera o nombre que en idioma muisca recibiba un cacicazgo d'a confederación muisca, formata por os pueblos muiscas. Sindembargo, a ciudat orichinal que i establioron os conquistadors no se trobaba emplazata en o puesto a on se trobaba Bacatá, encara que i yera amanata.
Gonzalo Jiménez de Quesada, o conquistador espanyol que li dio o suyo nombre en 1538, la fundó como Nuestra Señora de la Esperanza, pero cuan se formalizó en 1539 a fundación d'a ciudat se li dio o nombre de Santafé u Santa Fe, adhibindo-se-li l'apelliu de Bogotá ta diferenciar-lo d'atras Santafés d'o territorio colonial espanyol, estando ixe apelliu d'orichen indichena.
Cuan en 1819 Colombia se convertió en un estato independient de l'Imperio espanyol, a ciudat recuperó o suyo nombre indichena, quedando albandonata la referencia a Santafé.
Esportes L'Instituto Distrital de Recreación y Deporte ye l'organismo que tien como finalidat promover o esporte, os chuegos, l'actividat recreativa y o buen uso d'as instalacions esportivas y parques d'a ciudat. Instituto Distrital de Recreación y Deporte IDRD. en a que seguntes estimacions feitas en l'anyo 1998, nomás o 10% d'a población yera practicando bel esporte y un 7% en feba por un regular.
L'esporte mes popular y mes practicato ye o fútbol sala, conoixito en Bogotá como fútbol de salón o microfútbol, y fue reconoixito como o esporte simbolo d'a ciudat en l'anyo 2004, por os muitos practicants que tien en a ciudat y por a millora ta la convivencia ciudana y a salut que tien. ACUERDO 133 DE 2004 «Por el cual se reconoce el Fútbol de Salón (Microfútbol) como un deporte símbolo de la ciudad de Bogotá». Antiparte, o suyo chimán mayor o fútbol ye tamién muit popular y a ciudat tien tres equipos en a Primera División de fútbol de Colombia: os Millonarios, que ye l'equipo que mes vegatas ha ganato o campionato con 13 vegatas, o Santa Fé, que estió o primer campión que l'ha ganato, con 7 victorias en total, y l'Equidad que ye en a Primera División dende l'anyo 2006.
Instalacions esportivas A prencipal instalación esportiva d'a ciudat ye l'Estadio Nemesio Camacho, conoixito popularment como "El Campín", que ye a seu d'os equipos de fútbol de Millonarios, Santa Fé y a vegatas tamién de l'Equidad.
Atros escenarios esportivos importants son o complexo acuatico d'o Parque Simón Bolívar, o Palacio d'os Esportes y a Unidat Esportiva El Salitre que incluye a o Velódromo Luis Carlos Galán Faixuelo (siede d'o Campionato Mundial de Ciclismo en Pista de 1995), o Diamante El Salitre (estadio de béisbol), o Coliseo El Salitre (pabellón de basketbol), a Pista de Bicicrós Mario Soto, o Patinódromo El Salitre, que conta con pista de velocidat y rota, entre atras instalacions.
250px|thumb|dreita| Estadio Nemesio Camacho.
Escaicimientos esportivos Cada anyo en Bogotá s'organiza La Media Maratón de Bogotá, a competición atletica de rota mas important de latinoamerica sacando os campeonatos internacionals, tiene a categoría de Platinum Label por o World Athletics y en tenis cal destacar o Torneo WTA de Bogotá.
En l'anyo 1995 o Campionato Mundial de Ciclismo en pista tenió Bogotá como siede.
Molimentos right|thumb|250px|Frontera prencipal d'a seu d'a Inmaculata Concepción de Bogotá. Seu d'a Inmaculata Concepción de Bogotá, una seu bispal d'o sieglo XIX en estilo neoclasico adedicata a la Inmaculata Concepción y que ye a seu de l'archidiocesi de Bogotá. Ye protechita legalment con a suya declaración como Monumento Nacional dende o 15 d'agosto de 1975. Ilesia de Nuestra Sinyora de Lorda de Bogotá, una ilesia d'o sieglo XIX en estilo neogotico adedicata a Nuestra Sinyora de Lorda. Ilesia de Santa Clara de Bogotá, una ilesia d'o sieglo XVII en estilo barroco adedicata a Santa Clara.
A mas de l'arquitectura relichiosa en a arquitectura civiol cal destacar que bi ha bels d'os edificios con mas altaria de Colombia entre os que estan o BD Bacatá, a Torre Colpatria, o Centro de Comercio Internacional y en l'actualidat se ye contruyendo as Torres Atrio que estarán l'edificio con mas altaria d'o país.
Localidaz achirmanatas 1971: 22px|border Miami (Estaus Unius). [https://web.archive.org/web/20070926222438/http://www.ci.miami.fl.us/mic/pages/Spanish/SisterCities/Bogota.asp Programa de ciudades hermanas de Miami]. 1986: 22px|border Buenos Aires (Archentina). 2008: 22px|border Cádiz (Andalucía). Cádiz sella su hermanamiento con ciudades de la Ruta Mutis en Colombia, en La Voz Digital. 22px|border Abu Dhabi (Emiratos Arabes Unitos). 22px|border Asunción (Paraguai). 22px Berlín (Alemanya). 22px|border Brasília (Brasil). 22px|border Caracas (Venezuela). 22px|border Ciudat de Guatemala (Guatemala). 22px|border Ciudat de Mexico (Mexico). 22px|border Ciudat de Panamá (Panamá). 22px|border Dubai (Emiratos Arabes Unitos). 22px|border Estocolmo (Suecia). 22px L'Habana (Cuba). 22px|border Lima (Perú). 22px|border Lisbona (Portugal). 22px|border Londres (Reino Uniu). 22px|border Madrit (Espanya). 22px|border Montevideo (Uruguai). 22px|border Moscú (Rusia). 22px|border Nueva York (Estaus Unius). 22px|border París (Francia). 22px|border La Paz (Bolivia). 22px|border Quito (Ecuador). 22px|border Roma (Italia). 22px|border San Salvador (El Salvador). 22px|border Santiago de Chile (Chile). 22px|border Seúl (Corea d'o Sud). 22px|border Tegucigalpa (Honduras). 22px|border Toronto (Canadá).
Vinclos externos
Pachina web oficial de l'Alcaldía mayor de Bogotá. Pachina web oficial d'o concello municipal de Bogotá. Pachina web oficial de turismo de Bogotá.
Referencias
*