Este articlo ye sobre un barrio de lo municipio d'Aliaga. Pa atros usos, se veiga Aldeyuela (desambigación).
Aldeyuela (Aldehuela en castellano) ye un barrio de las Cuencas Meneras (Teruel, Aragón), perteneixient a lo municipio d'Aliaga.
Historia Aldeyuela ye un barrio fundau en una val chunto a l'entibo d'Aliaga y formau por edificios grans de ladriello royo a on viviban los treballadors de la central termica que funcionó dende 1952 dica 1982.
Toponimia Lo toponimo Aldehuela presenta lo diminutivo -uela como terminación toponimica seguindo a l'arabismo indicador de nuclio de población aldeya. D'acuerdo con Agustín Ventura Conejero este sufixo común en la provincia de Teruel s'aplicó a nuclios habitaus que yeran prou chicos, a vegadas pa dar-lis un matiz afectivo. Agustín Ventura Conejero: Notas sobre Teruel antiguo y medieval. Revista Teruel, nº 47 ,1972, p 85.
Cerca d'Aldeyuela y baixando por lo río Guadalop bi ha una masía dita masía de la Tosca, con tovas travertinicas, bi ha unatra masía dita Masía (de) la Puente (que conserva lo chenero femenín de puent propio de l'aragonés medieval). Entre meyo bi ha atros toponimos con component en aragonés: Penya d'el Cabo y Fuente de los Cinglos. Mes abaixo de la Masía de la Puente ya cerca de lo Valloré de Montoro de Mezquita ye la Boca d'el Infierno.
Unatro toponimo en aragonés que bi ha cerca d'Aldeyuela, ye a l'este de la masía de la Tosca y ye la partida dita gabardal u galabardal, a on que se troba la muela d'el Galabardal y lo barranco d'el Galabardal, a lo sud de lo río Guadalop.
Referencias
Categoría:Lugars d'Aliaga Categoría:Localidaz d'a diocesi de Teruel y Albarracín en as Cuencas Meneras