Bergosa ye un lugar aragonés en o termin municipal de Chaca, comarca de Chacetania y partiu chudicial de Chaca, en a provincia de Uesca.
Toponimia Seguntes Agustín Ubieto Arteta, a primera cita d'o lugar ye de 948/962, recullida en a obra d'o suyo chirmán Antonio Ubieto Arteta Cartulario de San Juan de la Peña, II, en Textos Medievales, 6 (Valencia, 1963), y documenta as variants Bergossa, Bergosi, Bergasa, Uergosa, Uergossa y Bergosa. Ubieto Arteta, Agustín: Toponimia aragonesa medieval, Valencia, 1972, pachina 57.
Un microtoponimo homofono Vergosa se troba en Ambel y s'interpreta a partir de "Verga" y d'o sufixo indicador de formación vechetal -osa. Juan Antonio Frago Gracia: Toponimia del Campo de Borja. Estudio lexicológico. Institución Fernando el Católico, p 190.
Historia En os anyos 1990, o lugar fue espropiau, como a resta d'a Garcipollera, ta plantar pins ta evitar a colmatación con os sedimentos d'as suyas tierras de l'entibo de Yesa, en o río Aragón.
Demografía
Molimentos Ilesia de Sant Saturnín, una ilesia en runas pero que encara consta como iglesia parroquial d'o lugar, que hue ye despoblau. Ye una Ilesia en estilo romanico d'o sieglo XII, muit esviellau en os sieglos XVI y XVII, con una sola nau orichinal y dos nas mas adhibidas posteriorment en os laterals.
Referencias
Vinclos externo s En www.despobladosenhuesca.com.
Categoría:Despoblaus d'a provincia de Uesca Categoría:Lugars afectaus por l'entibo de Yesa Categoría:Lugars de Chaca Categoría:Localidaz d'a diocesi de Chaca en a Chacetania