Iste articlo ye sobre un lugar aragonés en a comarca d'a Chacetania. No confundir con Martes
Martés ye un lugar aragonés d'a provincia de Uesca, en o municipio aragonés d'a Canal de Berdún, en a comarca d'a Chacetania.
A suya población yera de 32 habitants en o 2013.
Ye una d'as etapas d'o Camín de San Chaime Aragonés, situata entre Arrés y Mians.
Cheografía O lugar de Martés ye situato a 616 metros d'altaria sobre o livel d'a mar, a man d'o río Aragón, en a parte mas planera d'o suyo territorio, encara que o suyo antigo termin, en a parte sud, ye muit montanyoso, con o Pui d'Arás, de 1.239 metros d'altaria, en a muga con Longars y a val d'Onsella, en a provincia de Zaragoza.
As plevias d'o suyo termin desauguan en o río Aragón a traviés de bellos torrents y barrancos, como o barranco d'o Tobo, estando a o suyo canto o lugar de Martés.
Historia Dende l'anyo 1923 dica o 1925 s'escaició un periodo de alta actividat sismica en A Canal de Berdún, o martes 10 de chulio de 1923 se produció un tierratremo de VIII graus d'intensidat en a escala de Mercal·li conoixito como o terratremo de Martés, por ser ista a población mas danyata d'as que estaban en o epicentro. Entre as 5:31 y as 13:41 horas bi habió cinco tremolons, as ondas sismicas que plegoron dica Zaragoza. Muitas casas s'esvoldregoron y muitos habitants habioron de vivir en tiendas de campanya de l'exercito en verano. Ixe mesmo anyo Martés estió l'epicentro d'atros 3 seismos, y en Villarreyal d'a Canal en rechistroron atros seis mes entre octubre de 1923 y chulio de 1924. Tamién Martés l'anyo 1923 estió o escenario d'atro desastre natural, con inundacions en as riberas d'o río Aragón y Galligo que tamién se notoron en Zaragoza, tot isto contribuyó a lo suyo proceso de despoblación.
Demografía
Molimentos Ilesia de Santa María de Martés, una ilesia en estilo gotico adedicada a Santa María, que ye la ilesia parroquial d'o lugar.
Categoría:Lugars d'a provincia de Uesca Categoría:Lugars d'a Canal de Berdún Categoría:Localidaz d'a diocesi de Chaca en a Chacetania