Timor Oriental u Timor Este ye un país d'o sud-este d'Asia formato por a metat oriental d'a isla de Timor, as islas vicinas d'Ataúro y Jaco, y tamién Ocusi-Ambeno, un enclau politico de Timor Oriental situato en o canto ueste d'a isla, rodiato por Timor Occidental que fa parte d'Indonesia.
A suya población yera de 1.341.737 habitants en o 2022 en una superficie de 15.007 km², con una densidat de población de 89,40 hab/km², estando a suya capital Dili con una población de 277.488 habitants en o 2023.
Estió una colonia portuguesa dica 1975, cuan fue invadito per Indonesia anque remanió oficialment como territorio portugués per descolonizar dica 1999. Fue considerato per Indonesia como a suya provincia numero 27. En referendo organizato per as Nacions Unidas lo 80% d'o pueblo timorés esleyió a independencia .
A luenga mes charrata en Timor Oriental ye o tetun, que ye oficial chunto con o portugués.
División administrativa
250px|Mapa de Timor Este con ciudaz
Timor Oriental ye subdividito en 13 districtos administrativos:
Aileu. Ainaro. Baucau. Bobonaro. Cova-Lima. Dili. Ermera. Lautém. Liquiçá. Manatuto. Manufahi. Oecusi-Ambeno. Viqueque.
Cheografía
Timor Oriental poseye un territorio de 15.007 km², ocupando a parti oriental d'a isla de Timor, las cercanas islas de Atauro y Jaco amás de lo enclave de Oecusse, rodiau d'o territorio indonesio de Timor Occidental. O país ye a-saber-lo montanyoso y ha un clima tropical. Con plevias d'os rechímens d'os monzons, concara alurtes de tierras y frecuents inundacions. O país poseye 800 mil habitants.
Demografía 400px
Esporte en Timor Oriental
Dende la suya independencia total en l'anyo 1999, lo país ha iu afiliando-se a las prencipals federacions internacionals. En 2003 estió admitiu como miembro olimpico per lo COI y en 2005 per la FIFA, dende entoces participa de forma regular en competicions internacionals, asinas como tamién s'organizan competicions a libel nacional.
Instalacions esportivas Dentre as suyas instalacions esportivas cal destacar o Estadio Nacional de Timor, un estadio poliesportivo de hierba natural con capacidat pa 5.000 espectadors que s'utiliza habitualment pa partius de fútbol.
Timor Oriental en os Chuegos Olimpicos 50px en os Chuegos Olimpicos. Categoría principal: :Categoría:Timor Oriental en os Chuegos Olimpicos.
Os esportistas de Timor Oriental en os Chuegos Olimpicos son representaus per lo Comité Olimpico Nacional de Timor Oriental, creyau en l'anyo 2000 y miembro d'o Comité Olimpico Internacional dende l'anyo 2003. O Comité Olimpico Nacional de Timor Oriental seguntes o COI. Participó por primera vegada en os d'Atenas 2004, dende alavez participa de forma ininterrumpida dica hue (2025). En as suyas participacions en las edicions de Chuegos de Verano o país encara no ha aconseguiu garra medalla dica l'actualidat (2025).
En los Chuegos Olimpicos d'Hibierno ha participau en tres edicions dica l'actualidat, encara que nomás con un esportista, Gonçalves Yohan Goutt Gonçalves y sin aconseguir resultaus destacaus dica l'actualidat (2025).
Referencias
Vinclos externos
*