Russell Ira Crowe (d'o suyo nombre artistico Russell Crowe) ye un actor, director y productor cinematografico neozelandés, naixiu lo 7 d'abril de 1964 de Wellington (Nueva Zelanda), encara que la mayor parte d'os prencipios d'a suya carrera cinematografica estioron en Australia. Activo en o cine australiano y posteriorment en o cine estausunidense y mundial dende primerías d'os anyos 1970, ha recibiu cuantos premios y nominacions mientres a suya carrera cinematografica. Ye sobrino d'o chugador de críquet Dave Crowe y primo d'os chugadors Jeff Crowe y Martin Crowe.
D'entre la suya filmografía como actor, pueden mencionar-se bellas cintas, como The Silver Brumby (1993, John Tatoulis), The Quick and the Dead (1995, Sam Raimi), L.A. Confidential (1997, Curtis Hanson), Gladiator (2000, Ridley Scott), Master and Commander: The Far Side of the World (2003, Peter Weir), 3:10 to Yuma (2007, James Mangold), Robin Hood (2010, Ridley Scott), The Man with the Iron Fists (2012, RZA), Noah (2014, Darren Aronofsky), The Mummy (2017, Alex Kurtzman), Thor: Love and Thunder (2022, Taika Waititi), Nuremberg (2025, James Vanderbilt).
Premios Premios Oscar Russell Crowe recibió un premio Oscar a lo Millor Actor en l'anyo 2001 mientres a 73ena edición d'os premios por o suyo papel de "Maximo Decimo Meridio" en a cinta Gladiator, de Ridley Scott.
Tamién ha recibiu dos nominacions a ista mesma categoría d'os Oscar: en l'anyo 2000 mientres a suya 72ena edición por a suya interpretación de "Jeffrey Wigand" en a cinta The Insider, dirichida por Michael Mann; y en l'anyo 2002 en a suya 72ena edición por o papel de "John Forbes Nash Jr." en A Beautiful Mind, cinta dirichida por Ron Howard.
Premios de l'Instituto d'o Cine Australiano En 1991 recibió un Premio de l'Instituto d'o Cine Australiano a o Millor Actor Segundario por Proof, de Jocelyn Moorhouse; en 1992 un Premio de l'Instituto d'o Cine Australiano a o Millor Actor por Romper Stomper, de Geoffrey Wright; y en 2005 un Premio de l'Instituto d'o Cine Australiano a o Millor Actor Internacional por Cinderella Man, de Ron Howard.
Premios BAFTA En 2002, en a 55ena edición d'os Premios BAFTA, recibió un Premio BAFTA a o Millor Actor por A Beautiful Mind, de Ron Howard, en interpretar a lo matematico "John Forbes Nash Jr.".
En ista mesma categoría d'os Premios BAFTA recibió atras dos nominacions: en l'anyo 2000 (53ena edición) por a suya interpretación de "Jeffrey Wigand" en a cinta The Insider, dirichida por Michael Mann, y en 2001 (54ena edición) por o suyo papel como "Maximo Decimo Meridio" en a cinta Gladiator, que heba dirichiu Ridley Scott.
Premios Globos d'Oro Tamién recibió en 2002, mientres a 59ena edición d'os Premios Globos d'Oro, un Premio Globo d'Oro a lo Millor Actor Dramatico por o suyo papel como "John Forbes Nash Jr." en a cinta A Beautiful Mind, de Ron Howard; recebindo igualment atras cuatre nominacions a ista mesma categoría d'os Globos d'Oro: en 2000 (57ena edición) por o papel de "Jeffrey Wigand" en a cinta The Insider, dirichida por Michael Mann, en 2001 (58ena edición) por o personache de "Maximo Decimo Meridio" en a cinta Gladiator dirichida por Ridley Scott, en 2004 (61ena edición) por o papel de "capitán Jack Aubrey" en a cinta Master and Commander: The Far Side of the World dirichida por Peter Weir, y en l'anyo 2006 (63ena edición) por a interpretación d'o boxiador "James J. Braddock" en a cinta Cinderella Man dirichida por Ron Howard.
D'atra man, ha ganau un Premio Globo d'Oro a lo Millor Actor en Miniserie de Televisión u Telefilm en a 77ena</sup> edición d'os Globos l'anyo 2020 por a suya interpretación de l'executivo de televisión "Roger Ailes" en a miniserie de televisión The Loudest Voice.
Premios NBR Antiparte, en 1999 recibió un Premio NBR a o Millor Actor por The Insider, de Michael Mann.
Se veiga tamién Cintas dirichidas por Russell Crowe. Cintas interpretadas por Russell Crowe. Cintas producidas por Russell Crowe.
Vinclos externos
Russell Crowe en Internet Movie Database.
Categoría:Actors de Hollywood Categoría:Actors de Nueva Zelanda Categoría:Directors cinematograficos de Nueva Zelanda Categoría:Globo d'Oro a o Millor Actor Dramatico Categoría:Naixius de Wellington Categoría:Nominaus a lo Premio BAFTA a lo Millor Actor Categoría:Nominaus a lo Premio Globo d'Oro a lo Millor Actor Dramatico Categoría:Nominaus a lo Premio Oscar a lo Millor Actor Categoría:Premio BAFTA a o Millor Actor Categoría:Premio de l'Instituto d'o Cine Australiano a o Millor Actor Categoría:Premio de l'Instituto d'o Cine Australiano a o Millor Actor Internacional Categoría:Premio de l'Instituto d'o Cine Australiano a o Millor Actor Segundario Categoría:Premio Globo d'Oro a lo Millor Actor en Miniserie de Televisión u Telefilm Categoría:Premio NBR a o Millor Actor Categoría:Premio Oscar a o Millor Actor Categoría:Productors cinematograficos de Nueva Zelanda Categoría:1964 (naixencias)