Karl von Blaas, naixito de Nauders (Tirol) o 28 d'abril de 1815 y muerto en Viena o 19 de marzo de 1894, estió un pintor austriaco. Ye amás o pai d'os pintors Julius (1845 - 1923) y Eugen von Blaas (1843 - 1931).
Carrera pictografica Naixito d'un chicot lugar en o Tirol, Karl von Blaas estudió en l'Academia d'Artes Polidas de Venecia, en Italia, y en 1837 recibió o Premio Roman d'ista institución.
En 1850 obtenió o cargo de profesor en l'Academia de Viena, en Austria.
En 1855 recibió un premio en a Exposición Universal de 1855 en París por o suyo cuadro Carlos Magno vesitando una escuela de ninos, y en ixa misma calendata aceptó un cargo de profesor en l'Academia d'Artes Polidas de Venecia, a on heba estudiau.
Estió en Roma, a on recibió as influencias d'o nazarenismo, y se dedicó a pintar obras de tematica relichiosa.
En 1866 tornó a Viena, y escribió una biografía d'os suyos fillos Julius y Eugen.
Obra (selección) Viache de Chacob ta o disierto, Museu de Venecia. Vesitación, Museu d'Innsbruck. Carlos Magno vesitando una escuela de ninos, Museu de Venecia. Tulia pasando dencima d'o cuerpo d'o suyo pai (1832). A Violación d'as mullers venecianas en o sieglo VI (1858), Museu d'Innsbruck. Ekkehard trescruzando, con a duquesa de Suabia, a frontera d'o monesterio. Socrates y Alcibiades (1836).O prencipe Euchenio trescruzando Bosnia en 1697.Ulises y as sirenas (1872).Retrato de Marie von Ebner-Eschenbach.O Seche de Viena por os turcos en 1683.Captura d'Andreas Hofer en 1809''.
Vinclos externos
Karl von Blaas en a web Artnet.com.
Categoría:Pintors d'Austria Categoría:1815 (naixencias) Categoría:1894 (muertes)