Nao ye un robot humanoide autónomu y programable desarrolláu pola empresa francesa Aldebaran Robotics, conocida posteriormente como SoftBank Robotics Europe. La plataforma empezó a desarrollase na década de 2000 y les primeres unidaes utilizaes de forma amplia n'investigación y competición aparecieron en 2008.«NAO6: the versatile humanoid robot», Aldebaran, 2022. El robot foi concebíu principalmente como plataforma educativa y d'investigación, especialmente nos campos de la robótica, la intelixencia artificial y la interacción ente persones y robots.
Nao mide 58 cm, pesa 5,6 kg y tien 25 graos de llibertá. Dispón de dos cámares, cuatro micrófonos omnidireicionales, dos altavoces, siete sensores táctiles distribuyíos pela cabeza, les manes y los pies, sensores ultrasónicos y una unidá inercial que-y permiten percibir l'entornu y controlar l'equilibriu.«NAO6: the versatile humanoid robot» , Aldebaran, 2022. La versión Nao 6 reconoz y fala venti idiomes y tien una autonomía aproximada de 90 minutos.
En 2008 Nao incorporóse a la Standard Platform League de la RoboCup, onde convivió inicialmente col AIBO de Sony. Dende 2009 convirtióse na única plataforma de la competición, de manera que tolos equipos utilizaben robots equivalentes y les diferencies ente ellos dependíen fundamentalmente del software.«RoboCup Standard Platform League», RoboCup. Los robots actúen de manera totalmente autónoma, ensin control esternu de persones nin d'ordenadores, y tienen que resolver problemes de visión artificial, llocalización, coordinación, locomoción bípeda y toma de decisiones.«RoboCup Standard Platform League», RoboCup.
Nao convirtióse nuna de les plataformes humanoides más utilizaes n'educación ya investigación. Aldebaran indicaba en 2022 que, sumando Nao y Pepper, más de 40.000 robots sociales de la compañía taben utilizaos en más de 70 países. La plataforma utilizóse en centros educativos, universidaes y proyectos d'investigación sobre comunicación, aprendizaxe, asistencia y robótica social, amás de la so presencia continuada na RoboCup dende 2008.«Standard Platform League History», RoboCup.
Referencies
Enllaces esternos Nao nel sitiu oficial d'Aldebaran Standard Platform League de la RoboCup
Categoría:Robots humanoides