39 Leonis (39 Leo / HD 89125 / HR 4039) ye una estrella binaria na constelación de Leo, visualmente asitiada a 20 minutos d'arcu de la brillosa Aldhafera (ζ Leonis). Alcuéntrase a 74 años lluz de distancia del Sistema Solar.
39 Leonis A (GJ 387 A), la estrella principal, ye una nana mariella de tipu espectral F8Vbw y magnitú aparente +5,80.39 Leonis (SIMBAD) Los sos parámetros de masa y tamañu son práuticamente iguales a los del Sol,Gliese 387A, Catalogue of Stellar Diameters (CADARS) (Pasinetti-Fracassini+ 2001) anque la so temperatura, 6085 K, ye significativamente más elevada. Relluma con una lluminosidá 2,16 vegaes mayor que la lluminosidá solar. Xira sobre sigo mesma con una velocidá de rotación de 5,8 km/s. Nun esiste consensu en cuantes la so edá; diversos autores asitien esta cifra ente 5500 y 7970 millones d'años. Presenta una baxa metalicidá, siendo la so bayura relativa de fierro un 36% de la esistente nel Sol. Otros elementos como magnesiu, siliciu y azufre amuesen el mesmu enclín.
La estrella acompañante, 39 Leonis B (GJ 387 B), ye una nana colorada de tipu M1V y magnitú +11,4.GJ 387 B (SIMBAD) La so temperatura superficial ye de 3740 K y el so diámetru ye aproximao la metá del diámetru solar.Gliese 387B, Catalogue of Stellar Diameters (CADARS) (Pasinetti-Fracassini+ 2001) Dambes estrelles tán visualmente separaes 7,2 segundos d'arcu, lo que correspuende a una separación real superior a 163 UA.
Referencies
Categoría:Estrelles Categoría:Nanes marielles Categoría:Nanes coloraes Categoría:Estrelles binaries Categoría:Constelación de Leo