Alfecca Meridiana ye'l nome de la estrella α Coronae Australis (α CrA / HD 178253), de magnitú aparente +4,10,Alfecca Meridiana (SIMBAD) la más brillosa de la constelación de Corona Austral xunto con β Coronae Australis, dambes de rellumu similar. El nome de Alfecca provién del árabe an-na´dir al-fakkah, «la que relluma nel furacu», en referencia al círculu d'estrelles que forma la corona. La pallabra Meridiana procede del llatín, y paez aludir a la posición austral de la estrella en contraposición a Alphecca (α Coronae Borealis), estrella muncho más brillosa na constelación de Corona Boreal, cola que nun tien de confundir se a pesar del nome asemeyáu.
Alfecca Meridiana ye una estrella blanca de la secuencia principal de tipu espectral A2V asitiada a 130 años lluz del Sistema Solar. Con una temperatura superficial de 9100 K, la so lluminosidá ye 31 vegaes mayor que la del Sol. Tien una elevada velocidá de rotación de siquier 180 km/s. Considerando que'l so radiu ye 2,3 vegaes mayor que'l radiu solar, el periodu de rotación resultante ye inferior a 18 hores. Con una masa averada de 2,3 mases solares, alcuéntrase na metá de la so vida como estrella de la secuencia principal, y va rematar los sos díes como una nana blanca relativamente masiva.
Al igual qu'otres estrelles blanques más conocíes, como Fomalhaut (α Piscis Austrini) o Denébola (β Leonis), Alfecca Meridiana amuesa un escesu na radiación infrarroxo emitida, lo que suxer la esistencia d'un discu de polvu alredor.Alfecca Meridiana (Stars, Jim Kaler)
Referencies
Categoría:Estrelles Categoría:Estrelles blanques de la secuencia principal Categoría:Constelación de Corona Australis