Askella o Ascella (ζ Sagittarii / ζ Sgr / 38 Sagittarii) ye una estrella de la constelación de Saxitariu de magnitú aparente +2,60.CCDM J19026-2953AB -- Double or multiple star (SIMBAD) Ye la tercera más brillosa de la constelación detrás de Kaus Australis (ε Sagittarii) y Nunki (σ Sagittarii). El so nome provién del llatín y significa «axila», n'alusión a la so posición nel cuerpu del guerreru.
A 89 años lluz de distancia del Sistema Solar, Askella ye una estrella binaria que les sos dos componentes son de tipu espectral A. La estrella principal ta catalogada como una xigante blanca de tipu espectral A2IIIAscella (The Bright Star Catalogue) y 9000 K de temperatura. La so lluminosidá ye 31 vegaes mayor que la del Sol, con una masa de 2,2 mases solares.
La componente secundaria ta catalogada como una subxigante de tipu A2IV daqué más fría que la so compañera con una temperatura de 8500 K. 26 vegaes más lluminosa que'l Sol, tien una masa de 2,1 mases solares. Estos parámetros físicos indiquen qu'en realidá dambes estrelles son estrelles blanques de la secuencia principal, non xigantes nin subxigantes. Con una separación media ente elles de 13,4 UA —que bazcuya ente 10,6 y 16,1 UA pola escentricidá de la órbita—, el periodu orbital del sistema ye de 21,14 años.
Una tenue compañera de magnitú +9,8, denominada Askella C, alcuéntrase visualmente a 75 segundos d'arcu de la primaria. Desconozse si forma realmente parte del sistema estelar, o, lo que ye más probable, ta alliniada al azar.
Referencies
Categoría:Estrelles Categoría:Estrelles binaries Categoría:Constelación de Saxitariu Categoría:Wikipedia:Revisar traducción