Baham o Biham (θ Pegasi / θ Peg / 26 Pegasi / HD 210418)Theta Pegasi (SIMBAD) ye una estrella na constelación de Pegasu de magnitú aparente +3,50. D'alcuerdu al astrónomu persa del sieglu X Abd Al-Rahman Al Sufi, formaba —xunto a ν Pegasi— Sa'd al Bahaim, «la bona suerte de los Dos Besties»; Al Achsasi añade la brillosa Homam (ζ Pegasi) dientro del grupu.Biham (The Fixed Stars)
Asitiada a 92 años lluz de distancia del Sistema Solar, Baham ye una estrella blanca de la secuencia principal de tipu espectral A1V. Con una temperatura efectivo de 8570 K, xira apriesa sobre sigo mesma, con una velocidá de rotación de siquier 144 km/s, unes 70 vegaes mayor que la del Sol. Tien un diámetru unes 2,2 vegaes más grande que'l diámetru solar.Theta Pegasi Catalog of Apparent Diameters and Absolute Radii of Stars (CADARS), 3rd edition, L. E. Pasinetti-Fracassini, L. Pastori, S. Covino, and A. Pozzi, CDS ID II/224. Consultáu'l 8 d'abril de 2009. Tien una masa de 2,1 mases solaresBiham (Stars, Jim Kaler) y una edá envalorada de 450 millones d'años.
Baham tien una metalicidá inferior a la solar, con una bayura relativa de fierro equivalente al 40% de la del Sol. Ye considerada una estrella Lambda Bootis; éstes son estrelles con llinies metáliques débiles qu'amuesen una falta de ciertos elementos pesaos cola clara esceición de carbonu, nitróxenu, oxíxenu y azufre. Coles mesmes, paez tener una compañera cercana, detectada pol desplazamientu Doppler de los sos llinies espectrales. A diferencia d'otres estrelles asemeyaes —como Vega (α Lyrae) o Denébola (β Leonis)—, Baham nun presenta un escesu infrarroxu indicativu de la presencia d'un discu circumestelar de polvu.
Referencies
Categoría:Estrelles Categoría:Estrelles blanques de la secuencia principal Categoría:Constelación de Pegasu