CE Camelopardalis (CE Cam / HD 21389 / HR 1040) ye una estrella variable de magnitú aparente media +4,60.V* CE Cam -- Star in Nebula (SIMBAD) Encuadrada na constelación boreal de Camelopardalis, la xirafa, ye la sesta estrella más brillosa de la mesma.Camelopardalis (The Bright Star Catalogue)
CE Camelopardalis ye una superxigante blanca de tipu espectral A0I, asemeyáu a Deneb (α Cygni) o a 6 Cassiopeiae. Nun esiste consensu tocantes a la so temperatura superficial; mientres un estudiu da un valor de 11.040 K, otru rebaxa tala cifra a 9730 K. La so lluminosidá bolométrica —considerando toles llonxitúes d'onda— ye bien elevada, 62.700 vegaes mayor que la lluminosidá solar. Per otra parte, el so diámetru angular —0,886 ± 0,009 milisegundos d'arcu— dexa envalorar de manera averada'l so diámetru real. Considerando que s'atopa a 2500 años lluz d'alcuerdu al nuevu amenorgamientu de los datos de paralax del satélite Hipparcos, el so diámetru resulta ser 73 vegaes más grande que'l del Sol, equivalente a 0,34 UA. Xira sobre sigo mesma con una velocidá de rotación proyeutada de 39 km/s.
CE Camelopardalis tien una masa envalorada de 14,95 ± 0,4 mases solares. Alcuéntrase somorguiada nuna nebulosa de reflexón y ye miembru de l'Asociación estelar Cam OB1.CE Camelopardalis (The Bright Star Catalogue) Catalogada como variable Alfa Cygni, la so variación de rellumu ye d'apenes 0,03 magnitúes.CE Cam (General Catalogue of Variable Stars)
Referencies
Categoría:Estrelles Categoría:Superxigantes blanques Categoría:Estrelles variables Categoría:Variables Alfa Cygni Categoría:Constelación de Camelopardalis