Épsilon Aquilae (ε Aql / ε Aquilae / 13 Aquilae) ye una estrella de magnitú aparente +4,02 asitiada na constelación del Águila. Recibe'l nome tradicional de Deneb el Okab, proveniente del árabe ذنب العقاب ðanab al-cuqāb, «la cola del ferre», que comparte con ζ Aquilae. Cola mesma estrella tien de mancomún los nomes de Woo y Yuë, procedentes del chinu mandarín 吳 wú, antiguu estáu cerca de la provincia de Jiangsu, y 粵 yuè, antiguu estáu cerca de la provincia de Guangdong.
Carauterístiques Épsilon Aquilae ye un sistema estelar a 154 años lluz que la so estrella principal ye una xigante naranxa de tipu espectral K1III. Con una temperatura de 4700 K, ye 66 vegaes más lluminosa que'l Sol. El so radiu, 10 vegaes mayor que'l radiu solar y comparable al de Pólux (β Geminorum), nun ye grande pa una estrella xigante.
Épsilon Aquilae ye rica en cianóxenu y ta considerada una estrella de bariu bien leve. Éstes son estrelles binaries onde la bayura de bariu provién de la perda de masa d'una compañera güei convertida nuna nana blanca. Épsilon Aquilae tien efeutivamente una acompañante, de la que nada se sabe, sacantes el so periodu orbital ye de 1270 díes. Una tercer estrella de décima magnitú, visualmente a 145 segundos d'arcu, puede acompañar al sistema a una distancia de siquier 3700 UA.
Referencies
Epsilon Aquilae (SIMBAD) Deneb el Okab Borealis (Stars, Jim Kaler)
Epsilon Aquilae Epsilon Aquilae Epsilon Aquilae