Eta Arae (η Ara / HD 151249 / HR 6229)Eta Arae - Star in double system (SIMBAD)Eta Arae (The Bright Star Catalogue) ye una estrella na constelación d'Ara, l'altar. De magnitú aparente +3,78, alcuéntrase a 310 años lluz del Sistema Solar.
Eta Arae ye una de les munches xigantes naranxes visibles nel cielu nocherniegu, siendo Arturu (α Bootis) y Pólux (β Geminorum) les más brilloses dientro d'esta clase. De tipu espectral K5III, Eta Arae ye más fría que dambes, con una temperatura efectivo de 3886 K. Ye una xigante naranxa de gran tamañu, comparable al de Maasym (λ Herculis) o Minkar (η Corvi); el so diámetru ye 56 vegaes más grande que'l del Sol y unos seis vegaes más grande que'l de Pólux. Tien una baxa metalicidá, siendo'l so conteníu relativo de fierro equivalente al 43% del esistente nel Sol. Ye una estrella evolucionada con una masa llixeramente mayor que la del Sol y una edá envalorada de 7110 ± 2340 millones d'años.
Eta Arae tien una compañera de magnitú 13,5 visualmente a 22 segundos d'arcu. Si la rellación física ente dambes estrelles ye real, la separación ente elles ye de más de 2090 UA.
Referencies
Categoría:Estrelles Categoría:Xigantes naranxes Categoría:Estrelles binaries Categoría:Constelación d'Ara