GK Persei (GK Per)V* GK Per -- Cataclysmic Variable Star (SIMBAD) ye una estrella na constelación de Perséu y una de les noves meyor conocíes. Alcuéntrase narexón ente Algol (β Persei) y Mirfak (α Persei). En condiciones normales la so magnitú aparente ye +13,1.
Conocida tamién como Nova Persei 1901, afayóse'l 23 de febreru de 1901 cuando algamó un máximu de magnitú +0,2, andando a la tema con Vega (α Lyrae). Aumentó la so lluminosidá unes 10.000 vegaes en namái dos díes. Foise apagando hasta magnitú 2 seis díes dempués, y hasta magnitú 6 dos selmanes más tarde. A partir d'ende empezó a bazcuyar mientres dellos meses, menguando'l so rellumu hasta que yá nun foi visible a simple vista. La nova volvió al so rellumu normal (magnitú +13) dempués d'once años.GK Persei (Nova Persei 1901) (AAVSO) Dende 1966 hasta l'actualidá, GK Persei amosó españíos recurrentes de 3 magnitúes cada 3 o 4 años.
GK Persei ye una estrella binaria y una nova inusual. Los dos componentes tán relativamente alloñaes, lo que fai difícil la cesión de materia de la estrella principal a la nana blanca. Piénsase que la estrella principal, de tipu espectral K2, ta próxima a abandonar la secuencia principal aumentando significativamente el so diámetru.GK Persei (Jumk.de/astronomie)
Dempués de la esplosión como nova clásica en 1901, GK Persei empezó a amosar carauterístiques propies d'una variable cataclísmica de tipu nova nana a partir de 1966. El descubrimientu de rayos X emitíos pol sistema dexó clasificar GK Persei como una estrella DQ Herculis, en función de la intensidá del campu magnéticu de la nana blanca.
Cultura popular GK Persei ye la nova qu'apaez mentada a la fin del rellatu Más allá del muriu del suañu del escritor H. P. Lovecraft.S. T. Joshi and David Y. Schultz, "Beyond the Wall of Sleep", An H. P. Lovecraft Encyclopedia, p. 19.
Referencies
Categoría:Estrelles Categoría:Estrelles binaries Categoría:Constelación de Perséu Categoría:Noves