Gliese 408 (GJ 408 / LHS 6193 / HIP 53767 / Ross 104)Gliese 408 (SIMBAD) ye una estrella cercana na constelación de Leo. Asitiada a 21,6 años lluz del Sistema Solar, ye la 101ª estrella más próxima al Sol.The One Hundred Nearest Star Systems (RECONS) De magnitú aparente +10,03, nun ye observable a simple vista.
Gliese 408 ye una nana colorada de tipu espectral M3.0V. Muncho más tenue que'l Sol, tien una lluminosidá equivalente al 0,37% de la lluminosidá solar, pero aun así ye muncho más lluminosa qu'otres nanes coloraes más conocíes como Proxima Centauri o Wolf 359. Con una temperatura averada de 3440 K, ye una estrella asemeyada a Gliese 674 o Gliese 588. La so masa equival al 41% de la masa solar, siendo'l so radiu averáu equivalente al 44% del radiu solar. Xira sobre sigo mesma con una velocidá de rotación proyeutada igual o inferior a 2,5 km/s. Exhibe un conteníu metálico inferior al del Sol nun 27%, siendo'l so índiz de metalicidá [Fe/H] = -0,14. Nun s'atopó evidencia de qu'esista un discu de polvu frío alredor de Gliese 408.
Les estrelles conocíes más cercanes a Gliese 408 son EE Leonis y AD Leonis, a 6,26 y 6,54 años lluz respeutivamente, dambes nanes coloraes asitiaes tamién nesta mesma constelación.Stars within 15 light-years of Catalogue Astrographique +23°468-46 (The Internet Stellar Database)
Ver tamién Llista d'estrelles cercanes a la Tierra
Referencies
Categoría:Estrelles Categoría:Nanes coloraes Categoría:Constelación de Leo